Daaneeli 8:21 - Kafa Linguistics Project

²¹ Emmisho bi bekkiibeeto, Giriikee taatoon tunehona, bi aafee gutte daggooch beeti ooge qaro bi bekkiibeeto, shiichi taatemmi taatooniye.

Daaneeli 8:21 ပူးပေါင်းရင်းမြစ်များ

Daaneeli 10:20

Biyoo ishichiye: “Ne waan aakkiya ta waato gaata arii beetine? Ebiyoo Iberee Macaafooch kooreeton neech bekkiyoyichiye. And wotta hamiree Faariisee showoon quyeebeeti maraakoona tookki koyemmo taane. Aroyee gubb, Giriikee showoon quyeebeeti maraakoo woyemmone. Eboshina tookkii ta koyee beetaa, taan gaacheebeeto, ittoshin quyeebeeti maraakoo Mikaꞌeeliyee damba baroo koniyoona aalloone.

Daaneeli 11:2

Andoo neech ta arichiyemmo iberoone. “Bare keejje taateenaꞌo Faariisee showooch taatemminaꞌone. Awuddinnoo bareenaꞌo bulliyee beshoon gaannechon tunemmone. Gaannoochee tiyitona giidoon bi danetoyee gubb, bareenaꞌo bullin Giriikee taatee showee toommooch tiijjemmone.

Daaneeli 11:3

Aroochee oogeti giidoona hajjiibeeti, bi shunnimmonoo tuniibeeti giidechi taatoo tiyemmone.

Daaneeli 2:39

“Neyee gubb, neyee bedaani bare taatittino tiyemmone. Aroyee gubb showoo bullin hajjemmi, gooshoona shaaheeti keejjinnee taatittino tiyemmone.

Daaneeli 7:6

Andoo ta ciinnaa beetaa, maahoon shaahiibeeti bare cooxo bekkehe. Bi gubboochoo kafee qoshoommi awudde qoshoo beetone; awudde qello biich beetone. Bi taatemmoyichoo hakkoo biich ichehe.

Daaneeli 8:20

Ebi ne beeggeti, gutte qarechi bagee baaddoo Meedinaa Faariisinochi taateenaꞌoniye bi bekkiibeeto.

Daaneeli 8:22

Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.

Zakaariyaasi 9:13

Yihudee asheenaꞌon maꞌoommon, Efreemee asheenaꞌonoo shangoommon, tuniyemmo taane. Giriikee asheenaꞌon koyoyich, Tsiyoonee asheenaꞌon goraadoommon tuniiree daachiyemmo taane” iye.