Daaneeli 8:17 - Kafa Linguistics Project

¹⁷ Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Daaneeli 8:17 ပူးပေါင်းရင်းမြစ်များ

Halloo 17:3

Abraamiyoo bi baroona showooch guufehe. Yeeriyoo biich ishichiye:

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Hiziqeeli 2:1

Biyoo taach ishichiye: “Ashi bushoocho, ne baatoona tiyi neexebe; ta neenna tookki yibbaatemmo taane” iye.

Hiziqeeli 44:4

Uro dambi-waani gommona yaafee kechi kellee aafooch taan deebiye; ciinnaa ta iyaa, ebiyoche, Doono Yeerichi oogee yiiroo yaafee kexooch ceennitone; tawoo baroona showooch guufeho.

Hiziqeeli 6:2

“Ashi bushoocho, ne aafoon Israꞌeelee guudinaꞌo waan wochi ciine. Boonoshi toommoochoo keemoon keembe.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Daaneeli 10:16

Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.

Daaneeli 11:27

Boonoshi mulloona gondoon gabiibeeti, ebi gutte taateenaꞌo maayoon mamoyich ikke madooch kotemminaꞌone; boonoshiyoo ikkoo baroyich kootoon yibbaatemmone. Tunebaani maacheti aabo batt bi tunetoyich, ebi boonoshi gaboo amoonolla boonoshich gaacaachemmone.

Daaneeli 11:40

“Ciireexi yemeenooba Gibitsee taatoo biin kochemmone. Tunebaani Sooriyee taatoo gaarin, hareshechinaꞌonaa meeti markaboonon yeshi bi toommooch yuboochoommon guubbiree woyemmone. Meeti showeenaꞌooch giyiree ambamboochoommon hidi boonoshi daggoona beshemmone.

Daaneeli 12:13

“Daaneelo, ne, ciirooch beddaahaa diggoona hambe; aroochee kashemmo neene. Yemeenee ciirooba qitii ne duukketoochee keyiree, ne qoodoon danemmo neene” iye.

Daaneeli 12:4

“Daaneelo, yemeenee ciiree wottoon macaafoon qodi nashi dookkibe! Meetinaꞌo ariyoon daakkiya okk hach wocemminaꞌone” iye.

Daaneeli 2:46

Aroochee taatoo Nabukadinatsori baroona guufeꞌi Daaneelich goyinnehe. Buuroonaa ixaanoona biich giddemmoyichoo gettiye.

Daaneeli 7:16

Arooch neexee beetinaꞌoochee ikkoo waan giddaꞌa, ebi bullin biishiree taach bi gettemmoyich echeho. Biyoo ebi mooyon biichiꞌi taach arichiihe. Biyoo ishichiye:

Daaneeli 8:15

Ta, Daaneeli, ebi yaaꞌoon ta beegiyooba, ama geto gaata shalligoyich qaawiyo; bekkech ashoon shaahoo ta aafooch neexee beeton beeggeho.

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Daaneeli 9:23

Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Daaneeli 9:27

Are taatoo meeti aageteenaꞌona tookki shabaatte nati wottoon bi wogoon manjiyemmone. Ebi yemeenee qato shagiyooba, deejjoonaa buuroonon echiyemmone. Aalloon deebemmi eeꞌoon yaafee kechi guummooch bi gedaa, arooch beeyemmone. Ebiyoo arooch bi beeyemmo, aalliyecho toommooch Yeeri gettiti nalloo kindimmi wottooniye” iye.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Maatiyoosi 17:8

Boonoshiyoo damba kaamee ciinniꞌi, Yesuusi ikkeetoyee damba koninolla beegaaneenaꞌone.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 22:8

Ebinoo ta waamona waayeto, ta aafoonoo beeggeto, Yowannisi taane; ta waayaa beeggehooba, ebin taach bekkiiti maraakoyich goyinneya bi baatooch baroona guufeho.