Daaneeli 8:13 - Kafa Linguistics Project

¹³ Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Daaneeli 8:13 ပူးပေါင်းရင်းမြစ်များ

Shoddo 74:10

Yeero, etteenaꞌo cooqqiremmo aati wottooniye? Bulli yemeenoon ne shigoon naagi beebeeta?

Shoddo 74:9

Worganikkiti malletoon beego echetone; echeti keemecho aalloone; ebi aati wottoon tune bi beeyemmo gaata, ariibeeto no daggooch aalloone.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Isiyaasi 28:18

Qitoona tookkii ittoshi giyiti wogo echemmone; maashoona tookkii ittoshi shuneti shunoo manjaachemmone; kupphe naxo bi beshehooba, ittoshin kotemmone;

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 63:18

Giisheche aaboyich yaafeeti ne asheenaꞌo yaafeeti ne xaaꞌoon hajjitinaꞌone; tunebaani and no etteenaꞌo aroon koteheete.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 12:10

Meeti qiddeenaꞌo ta woyinee goyoon aalliitinaꞌone; ta iristoon neexxitinaꞌone; gaawe ta maayi budon shuuꞌi showoon tuniitinaꞌone.

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 12:11

“Qemi qemona deejjoon giddiyoo maacheti aaboochee, ebiyoo aalloon deebemmi eeꞌo geddeti aaboochee tiijjiree, ikke humaa gutte ballaa yixane qemo beshemmone.

Daaneeli 12:8

Tawoo bi gettiton waayeho; tunebaani shalligaano taane. Ebich “Ta doonocho! Ciiroochaa ebi mooyo amooniye bi tunemmo?” iyaꞌa echeho.

Daaneeli 4:10

Ta qeenooch tokketaabee yaaꞌoona showee gutte daggooch beeti, ikke ooge genje mixon beeggoye.

Daaneeli 4:13

“Ta qeenooch tokketaabee ta beeggeti yaaꞌoona ikke quyecho tuneti yaafe maraakoo shimaayoochee bi kindii beetaa beeggoye.

Daaneeli 4:23

“Taatoocho, ne ‘Mixon qecce dichiree aalliibote; tunebaani bi xugoon showooch qayote; bi guudoon xuuroonaa gooshoonoochee shuuneeti cuyoona cuyaa, mocee daggooch, gaddooch beebe. Shimaayoochee kindiibeeti doshoona (caagibanoona) shuxe. Shabaatte nato beshemmi wottoon kubbi cooxona tookki gaddooch beebe’ iibee shimaayoochee kinditi, quyecho tuneti yaafe maraakoon beeggehine.

Daaneeli 7:16

Arooch neexee beetinaꞌoochee ikkoo waan giddaꞌa, ebi bullin biishiree taach bi gettemmoyich echeho. Biyoo ebi mooyon biichiꞌi taach arichiihe. Biyoo ishichiye:

Daaneeli 7:23

Biyoo taach ishichiye: “Ebi awuddinnee cooxo showee toommooch tiyemmi awuddinnee taatittinoone; bare taatittineenaꞌo bulliyee barito tunemmone. Ebi taatittino showoo bullin billbillayi aalliyemmone; neexi buriccemmone.

Daaneeli 9:27

Are taatoo meeti aageteenaꞌona tookki shabaatte nati wottoon bi wogoon manjiyemmone. Ebi yemeenee qato shagiyooba, deejjoonaa buuroonon echiyemmone. Aalloon deebemmi eeꞌoon yaafee kechi guummooch bi gedaa, arooch beeyemmone. Ebiyoo arooch bi beeyemmo, aalliyecho toommooch Yeeri gettiti nalloo kindimmi wottooniye” iye.

Zakaariyaasi 1:19

Taanna tookkii yibbaateebeeti maraakoyich “Ebi qaro amoone?” iyo. Biyoo “Yihudee showoon, Israꞌeelee showoonaa Yerusaaleminon shacciti qaroone” iꞌi taach wochiye.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Maariqoosi 13:14

“Tunebaani [keemechi Daaneeli gettiti] aalloon deebemmi eeꞌo bi neex bedaani xaaꞌooch neexetaa, beeggemmo ittoshine. (Ebiyooba shemmecho shalligibe.) Arooba Yihudee showooch beetinaꞌo geppoo beetooch maxxebeete.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Luqaasi 21:20

Yesuusi daakkiꞌi ishichiye: “Yerusaalemin ginee naayinaꞌo guuddii boonoshi giishaa ittoshi beegiyooba, arooba biich aallee shagon ariibote.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

1 Tasaloonqi 3:13

No Doono Yesuusi bi yaafeenaꞌo bullina tookkii wottee bi waahooba, no Nuggishoonaa no Nihoonochi aafoochaa yaafeetonaa bachaalloonon tuneree ittoshi neexemmoyich ittoshi mulloon manjiibe.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.

Yaaꞌoo 11:2

Yaafee kexoyee maach beeti addibaaboo Aageteenaꞌoyich icheto bi tunetoyich qaye; qellayiyaahine. Boonoshiyoo aabbaa gutte agenoon yaafe katemeen neexi hajjemminaꞌone.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.

Woraaferasheenaꞌo 13:18

Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.