Daaneeli 7:9 - Kafa Linguistics Project

⁹ Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Daaneeli 7:9 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

2 Kiinoo 18:18

Aroochee Mikiyaasi ishichiye: “And illa Doono Yeerichi qaaroon waayebe. Doono Yeeri bi qeenooch koteꞌi, shimaajji maraakoo bulliyoo bi qanninaa bi yoochinooch neexeꞌi beeton beeggoye.

Shoddo 45:8

Ne taho bulliich, hareboo, ereetoonaa birguudoona cinnee beetone; dangeyi gashoona macecikkeeti ne taatee kexoochaa shoddee qiiceenaꞌo ne emiremmoyich tuniiheete.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Shoddo 93:2

Ne taatee qeeno wonnee tiijjiꞌi manjoone; newoo bulli aabooch beeto neene.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 49:38

Ta taatee qeenon Elaamee showooch kotiyemmo taane; aroochee taatoonaa bi ukkireenaꞌonon aalliyemmo taane” iye Doono Yeeri.

Hiziqeeli 1:26

Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Daaneeli 7:22

Aroochee Wonnee Wonneecho waaꞌi, Beshoo Yeerichi yaafeenaꞌoyich nalliye. Boonoshiyoo taatittinoon boonoshi deqqemmi yemeeno waahe.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Maatiyoosi 17:2

Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye.

Maatiyoosi 28:3

Maraakoochi aafo xeeyoochoommon phaqqiibeeto, bi taheti tahoo kecho naccoommon naccoone.

Maariqoosi 9:3

Bi taheti tahoo wacwacciye; showee toommooch koniyoona machiꞌi xalliyoo hakkaani naccittinoon naccehe.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

1 Yowannisi 1:5

Bi waanee no waayeto, andoo ittoshich no arichiibeeti wocho “Yeeri bekkoone; manderoo cir bi waan aalloone” ii beetone.

Yaaꞌoo 1:14

Bi qellee eexoo haatteeti huuttoommi naccoo, wotta kechoommone; bi aafoo qaaqqee aaxxoommone;

Yaaꞌoo 20:4

Aroochee daakkaꞌa taatee qeeninaꞌon beeggeho. Aree toommooch kotetinaꞌoyich nallee hakkoo ichehe; Yesuusi miixeti iberoonaa Yeerichi qaaroonon boonoshi gettitoyich boonoshi qettoon kucheti asheenaꞌochi kashoon beeggeho. Cooxonaa bi shahalloonoyich goyinneyaaneenaꞌone; cooxochi malletoon boonoshi barooch woyee boonoshi kishooch gedaaneenaꞌone. Boonoshiyoo kashecho tuneꞌi Kiristoosina tookkii hume naton taateheete.

Yaaꞌoo 4:2

Bekkech Yeerichi Ayaanee giidoo ta toommooch tunehe; arooba shimaajji taatee xaaꞌooch taatee qeenon, are qeechi toommoochoo koteton beeggeho.