Daaneeli 7:28 - Kafa Linguistics Project

²⁸ Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 7:28 ပူးပေါင်းရင်းမြစ်များ

Halloo 37:10

Ebi bi gumon wotta bi nihoyich bi maacee, bi nihoo “Ebi ama geti gumone? Iberoon taannaa ne indeena, ne maneenaꞌoo ne aafooch yitiree neech goyinnehone?” ii kaarehe.

Halloo 37:11

Bi maneenaꞌo biin qanaateheete; tunebaani bi nihoo ebi mooyon bi maacoona yechiye.

Daaneeli 10:16

Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.

Daaneeli 10:8

Ebich ta ikkeeto baach ebi worganikkiti yaaꞌoon beeggaabee arooch echeho. Tawoo giidoo qacheho; ta halloo shaddeeꞌa tuusheeho; giidoon mucceto taane.

Daaneeli 11:27

Boonoshi mulloona gondoon gabiibeeti, ebi gutte taateenaꞌo maayoon mamoyich ikke madooch kotemminaꞌone; boonoshiyoo ikkoo baroyich kootoon yibbaatemmone. Tunebaani maacheti aabo batt bi tunetoyich, ebi boonoshi gaboo amoonolla boonoshich gaacaachemmone.

Daaneeli 12:13

“Daaneelo, ne, ciirooch beddaahaa diggoona hambe; aroochee kashemmo neene. Yemeenee ciirooba qitii ne duukketoochee keyiree, ne qoodoon danemmo neene” iye.

Daaneeli 12:9

Biyoo “Daaneelo, ebi mooyo ciireexi yemeenooch beddaahaa hichetonaa nashee dooggitonane; ebich ne and diggoona hambe!

Daaneeli 4:16

Shabaatte nato beshemmi wottoon ashi mullo bacheechaa, gijjee mullo biich ichebe!

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 5:6

Biyoo oogeton keqqiye; bi halloo shaddeehe; bi baatoo qajjiye; bi tingoo qewehe.

Daaneeli 7:15

Ta, Daaneeli, oogeton xuuxeho; ta beeggeti yaaꞌoo taan keqqichiye.

Daaneeli 8:1

Taatoo Belshasoori taateti keejjinnee natooba, shiichaa ta beeggeti yaaꞌoyee gubb, ta, Daaneeli, bare yaaꞌoon beeggeho.

Daaneeli 8:17

Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Maariqoosi 9:15

Hini are dofee asheenaꞌo bulli Yesuusin bekkech beeggii oogichii worganeꞌi biin diggiyoyich woceheete.

Luqaasi 2:19

Tunetaa Maariyami hini mooyo bullin bi mullooch kotiichaa kichaa kindii beehan.

Luqaasi 2:51

Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan.

Luqaasi 9:44

“Ittoshi hini mooyon ittoshi mulloona manjiiree yeshote. Ashi Bushoon ashi kishooch beshiiree imma ii beetinaꞌone” iye.