Daaneeli 7:15 - Kafa Linguistics Project

¹⁵ Ta, Daaneeli, oogeton xuuxeho; ta beeggeti yaaꞌoo taan keqqichiye.

Daaneeli 7:15 ပူးပေါင်းရင်းမြစ်များ

Halloo 41:8

Bi dechara Farooni oogeton keqqii xuuxehe. Ebich Gibitsee showoo bulliich beeti kaayechinaꞌonaa yiiteenaꞌo bullinon ceekkiiꞌi, bi gummiti gumon boonoshich maacciye; tunebaani ebi gumon biisho hakkito koniyoona aallehe.

Erimiyaasi 17:16

Qiddoo tuneꞌi neech maddoochee gubb ikaano taane; xuuxee yemeeno boonoshi toommooch woyemmoyich qaataano taane; ebin ne ariyaabeeto neene; ta noonoochee kechito ne aafooch arichetone.

Daaneeli 10:16

Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.

Daaneeli 2:1

Nabukadinatsori bi taateti guttinnee natooba, gumon gummiye. Ebi gumo biin oogeton bi keqqichitoyich, tokketoo bi aafoochee aallehe.

Daaneeli 2:3

taatoo boonoshich ishichiye: “Gumon gummehoye; ebi gumo ama geto gaata ta ariimmi wottoon keqqoo taan yechitone” iye.

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 4:5

Tunebaani ikke shattiiti gumon gummoye. Ta qeenooch tokketaa ta beetaa, ta mullo gabiti gaboonaa yaaꞌoona taan keqqichiye.

Daaneeli 7:1

Baabloonee taatoo Belshasoori taateti ikkinnee natooba, ta, Daaneeli, ta qeenooch qeyaabee gumon gummeho; yaaꞌoonoo beeggeho. Ebi ta beeggeti gumi aafechi mooyon ishichaꞌa kooriyoye: Showee awudde kelloona waati shimaajji yongo ooge baharoon bi shuurikkii beetaa, yaaꞌoona xum beeggeho.

Daaneeli 7:28

Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.