Daaneeli 7:13 - Kafa Linguistics Project

¹³ Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Daaneeli 7:13 ပူးပေါင်းရင်းမြစ်များ

Shoddo 110:2

Doono Yeeri ne taatee giidoon Yerusaalemee tiijji gamichemmone; newoo ne etteenaꞌo daggoochaa hajjemmo neene.

Shoddo 2:8

Taan qollebe; aagetoo bullin neech hajjiyemmo taane. Showoo bullin ne iristo tuniyemmo taane.

Shoddo 47:5

Yeeri ililoona, Doono Yeeri shametee qaaroona, damba kechiye.

Erimiyaasi 49:19

“Daaheroo Yoordaanoosi dunne shaaroochee bageenaꞌochi gaddooch bi womoommon, diqqoona waaree boonoshi showoochee boonoshin yookkemmo taane; ta kaacceton boonoshi toommooch ukkiriyemmo taane. Taanoommo konine? Taan echoon hakkemmo konine? Ta aafooch neexoon hakkemmi wulloo konine?

Hiziqeeli 1:26

Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 7:12

Echeti bare cooxinaꞌochi taatittinee hakkoo bayaa dekketone. Tunebaani tuneti yemeenee wottoon kashoona boonoshi beeyemmoyich daaggeehe.

Daaneeli 7:22

Aroochee Wonnee Wonneecho waaꞌi, Beshoo Yeerichi yaafeenaꞌoyich nalliye. Boonoshiyoo taatittinoon boonoshi deqqemmi yemeeno waahe.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Daaneeli 8:15

Ta, Daaneeli, ebi yaaꞌoon ta beegiyooba, ama geto gaata shalligoyich qaawiyo; bekkech ashoon shaahoo ta aafooch neexee beeton beeggeho.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maatiyoosi 24:30

“Arooba Ashi Bushoo malletoo shimaayoochaa bekkemmone; arooba showooch beeti ashi yareenaꞌo bulli ‘Woowo!’ gettemminaꞌone. Ashi Bushoo giidoonaa oogee yiiroona shimaajji quboona waataa beeggemminaꞌone.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 26:64

Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maariqoosi 13:26

“Arooba Ashi Bushoo ta wodde giidoonaa oogee yiiroona qubee daggoona ta waataa beeggemminaꞌone.

Luqaasi 21:27

Arooba Ashi Bushoo wodde giidoonaa oogee yiiroona qubee daggoona bi waataa beeggemminaꞌone.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Yowannisi 12:34

Ebich dofee asheenaꞌo “No, Kiristoosi bulli yemeenoon beeyemmo bi tunoon Sheeree Macaafoochee waayeto noone. Newochi ‘Ashi Bushoo showoochee tiijjeyemmone’ iyaꞌa aabichaꞌa gettenne? Ishi Ashi Bushochi konine?” iꞌi echeheete.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

1 Tasaloonqi 4:17

Aroyee gubb batt kashoona beeti no, yongee toommoochaa Doono Yesuusina danoyich, boonoshina tookki tiijjaa quboona hammemmo noone; ebiyoommon bulli aaboon Doono Yesuusina tookki beeyemmo noone.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Yaaꞌoo 1:13

Ebi maqirajjeenaꞌo daggooch ashi bushoon shaahoon beeggeho; aroo desh bi baatooch beddaahaa tahoon taheto, bi getoonoo aachoochee shuuneeti cuyoona cuyetone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.

Yaaꞌoo 14:14

Aroochee beeggeho; ebiyoche nacce qubo beete; qubee toommoochoo ashi bushoon shaahiibeeto kotetone; bi qellooch aachee gubbichoon uketone; bi kishoonoo aci magaadoon yechitone.