Daaneeli 7:1 - Kafa Linguistics Project

^1-2 Baabloonee taatoo Belshasoori taateti ikkinnee natooba, ta, Daaneeli, ta qeenooch qeyaabee gumon gummeho; yaaꞌoonoo beeggeho. Ebi ta beeggeti gumi aafechi mooyon ishichaꞌa kooriyoye: Showee awudde kelloona waati shimaajji yongo ooge baharoon bi shuurikkii beetaa, yaaꞌoona xum beeggeho.

Daaneeli 7:1 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 46:2

Yeeri yaaꞌoona Israꞌeelich xum bekkeꞌi, “Yaaqobo, Yaaqobo” iye. Biyoo eekkehe.

Iyoobi 4:13

Ikke xumoon, magge tokketee toommooch beechaa, gonde gumon gummehoye;

Isiyaasi 30:8

And hambe; bulli yemeenooch miixoo bi tunemmoyich boonoshi aafoochaa ebin madee toommooch qiici kooribe; macaafoochoo kooribe.

Isiyaasi 8:1

Doono Yeeri taach ishichiye: “Ooge madoon daamiree, ‘Maheer Shalal Hashibaaz’ getiree doyeeti biroona kooribe.

Erimiyaasi 23:28

Gumon gummiti keemecho bi gumon maace; tunebaani ta qaaro bi waan beeto gibeneeton tunoona ta qaaroon gete; tulloonaa teepphoonon amo daniihe?” iye Doono Yeeri.

Erimiyaasi 27:7

Bi showoo baroyich tunemmi aabo waammi wottoon aagetoo bulli biich, bi bushoonaa bi bushaa bushiisheenaꞌonoyich hajjeyemmone; aroyee gubb meeti aageteenaꞌonaa ogooge taateenaꞌona biin hajjemminaꞌone.

Erimiyaasi 36:32

Aroochee Erimiyaasi bare kooree natoon deebiꞌi Neraayichi bushoo koorechi Baaruukich immiye; Baaruukiyoo Yihudee taatoo qaaqqoona michiti qoddeti macaafooch beeti qaaro bullin Erimiyaasi noonoochee waayeꞌi kooriye; wodde shaahe qaaroo eboshi toommooch daakkeehe.

Erimiyaasi 36:4

Aroochee Erimiyaasi Neraayichi bushoo Baaruukin ceeggiye; Baaruukiyoo Doono Yeeri gettiti qaaro bullin Erimiyaasi noonoochee waayeꞌi kooree natooch kooriye.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Daaneeli 1:17

Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Daaneeli 2:1

Nabukadinatsori bi taateti guttinnee natooba, gumon gummiye. Ebi gumo biin oogeton bi keqqichitoyich, tokketoo bi aafoochee aallehe.

Daaneeli 2:26

Belxesoori getteebeeti Daaneelin taatoo, “Ta gummeti gumonaa bi biishonon geton hakkenne?” iye.

Daaneeli 4:13

“Ta qeenooch tokketaabee ta beeggeti yaaꞌoona ikke quyecho tuneti yaafe maraakoo shimaayoochee bi kindii beetaa beeggoye.

Daaneeli 4:5

Tunebaani ikke shattiiti gumon gummoye. Ta qeenooch tokketaa ta beetaa, ta mullo gabiti gaboonaa yaaꞌoona taan keqqichiye.

Daaneeli 5:1

Taatoo Belshasoori oogeti gifiroon geddiꞌi, ikke hume iraasheenaꞌon ceekkiihe. Biyoo ebi humeenaꞌona tookkii woyinee uyoon uchii beehe.

Daaneeli 5:22

“Belshasooro, ne, bi bushoo neene; ebi bullin ariibeeto neene; tunebaani ne qelloon giishiyaano neene.

Daaneeli 5:30

Aroobee xum Baabloonee taatoo Belshasoorin wuxiyeete.

Daaneeli 7:13

Ebi yaaꞌoona xum ashi bushoon shaahoo shimaayee quboona bi waa beetaa beeggeho. Wonnee Wonneecho waan waahe; biinoo bi aafooch giddiiheete.

Daaneeli 7:15

Ta, Daaneeli, oogeton xuuxeho; ta beeggeti yaaꞌoo taan keqqichiye.

Daaneeli 7:7

Andoo yaaꞌoona xum ta ciinnaa beetaa, awuddinnee cooxo bekkehe. Biyoo oogeti giidechonaa shattii giiriitonane. Ogooge xuuree gashechone; biyoo bi yechiton yiikkee billbillayiꞌi maahe; echetonoo bi baatoona neexxiye. Biyee shiichiꞌi beeti cooxinaꞌo bulliyee baroone; aashire qaro biich beetone.

Daaneeli 8:1

Taatoo Belshasoori taateti keejjinnee natooba, shiichaa ta beeggeti yaaꞌoyee gubb, ta, Daaneeli, bare yaaꞌoon beeggeho.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Imbaaqoomi 2:2

Doono Yeeriyoo taach ishichiye: “Ebi neech ta bekkiiya ii beeti yaaꞌoon shemmoyich bi iritiyaachemmoyich tuniiree, yalle xaqqooch kooribe;

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Roomi 15:4

Yaafe Macaafoochee no danaabeeti haaꞌiyoonaa goggoona gibeno nooch bi beeyemmoyich, shiichiꞌi Yaafe Macaafooch kooreeto bulli nooch dojjiya kooreetone.

2 Qorontoosi 12:1

Geecoo gaacaallo bi tunetaanoona, geecoo taach qaawii beetone; eke and Doono Yesuus waanee taach bekketi yaaꞌeecho waan wottebon.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 10:4

Shabaatte xeeyo xeejjimmona, ta waayeti mooyon kooriya iyo; tunebaani shimaayoochee “Shabaatte xeeyo xeeyaa getteeti mooyon maatemoona hicalli kooriyaahine” immi qaaroon waayeho.