Daaneeli 6:8 - Kafa Linguistics Project

⁸ Taatoocho, ebi awaajjoon kichi kooriree, ne malletoon arooch gede. Ebina shaddeyaani Meedinaa Faariisinochi showee sheeroochoommon tunemmone” iyeete.

Daaneeli 6:8 ပူးပေါင်းရင်းမြစ်များ

Asteeri 1:19

“Ebi mooyo taatoon emirikkemmo bi tunegaata, gennee abeeti Ashixiini taatoo waan bi giyaachemmoyich, awaajjo keye; ebi awaajjoo bi shaddeyaachemmoyich, Faariisinaa Meedinochi showee sheerooch kooreebe. Taatoo gennee abeeti bi tunee oogee xaaꞌoonoo biyee beshiti bareyich imbe.

Asteeri 3:12

Ebina ikkinnee agenee aaraa keejjinnee qemooba Hamaani taatoochi koorechinaꞌon ceeggiye. Ceeggiꞌi awaajjo baribare noonoo bullina, woraafeenaꞌo bulliich beeti asheenaꞌo kooriibeeti, baribare biroonoo bi gettitoommon tune kooreeree iraasheenaꞌoyich, woraaferasheenaꞌonaa geppee taateenaꞌo bullinoyich bi hammemmoyich gettiye. Ebi awaajjo taatoo Yekisesichi shigoona kooreeꞌi bi kishee axxaamittoona dukkeehe.

Asteeri 8:10

Mordokiyoosiyoo koorichoon taatoo Yekisesi shigoona kooriiꞌi, taatoo kisheexi axxaamittoona dukkehe. Taatee kexooch shiijjeti, gaawichii wocciibeeti haresheenaꞌon yookkiibeeti wocheyechinaꞌo kishoona ebi kooricheenaꞌon daachiihe.

Asteeri 8:3

Aroochee Asteeri taatoochi baatooch dihaꞌa eeppaabee wochinnoon taatoyich yibbaatehan. Agaagi yaroochee tuneti Hamaani Ayihudeenaꞌo toommooch tuniiya bi gabiti gonde gaboon echiyoyich, ikke mooyon bi tuniyemmoyich qollahan.

Asteeri 8:8

Taatoochi shigoona kooreeꞌi bi kisheexi axxaamittoona dukkeeti koorichoo shaddeyaano bi tunetoyich, ittoshi wotta Ayihudeenaꞌoyich gaaweton tuneꞌi ittoshich bekketi bare awaajjoon kooriree, taatoo kisheexi axxaamittoona dukkebote” iye.

Shoddo 94:21

Boonoshi, cadiqeenaꞌo toommooch koceeheete; xalle ashi toommooch qitee nalloon nalliyeete.

Isiyaasi 10:1

Girechon aalloo (gooroo) mucciyoyich, iritechi ta asheenaꞌochi nalloon shappayoyich, xuumeenaꞌonaa nihaalleenaꞌonon bogoyich, dabe dayinnetee sheeroon kichii beetinaꞌoyich, xuꞌoona ceenniti qociyoon kichii beetinaꞌoyich woowo!

Daaneeli 5:28

‘FARISINI’ geto, ‘Ne taatittino qoodeete; Meedee asheenaꞌonaa Faariisee asheenaꞌonoyich ichete’ getone” iye.

Daaneeli 6:12

Boonoshiyoo taatoo waan hammiꞌi, “Taatoocho, shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla qollemmo daahereenaꞌochi oppooch bi duppeyemmoyich, awaajjaa koorichee toommooch ne malletoon gedaano neene?” iꞌi bi kichiti awaajjeechon echeheete. Taatoo wochiꞌi, “Ebi mooyo shaddeyaani, Meedinaa Faariisinochi showee sheeroommon manjoone” iye.

Daaneeli 6:15

Aroochee Daaneelichi shixechinaꞌo wochinnoon taatoo waan ikkottee giddeꞌi biich ishichiyeete: “Taatoocho, Meedinaa Faariisinochi showee sheeree doyoochaa ikke taatoo kichiti awaajjo shaddeyoon hakkaano bi tunoon ariibe” iyeete.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.