Daaneeli 6:7 - Kafa Linguistics Project

⁷ Taatoocho, hini shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla bi qolleyaachemmoyich, qollemmo bi beegaata, daahereenaꞌochi oppooch bi duppeyemmoyich awaajjoon ne kichiyemmonaa ebi awaajjoon manjoo ne tuniyemmonoyich, iraasheenaꞌo, ukkireenaꞌo, mikkirechinaꞌonaa woraaferasheenaꞌona, ne showoon qeejjiibeeti no bulli echeeto noone.

Daaneeli 6:7 ပူးပေါင်းရင်းမြစ်များ

Shoddo 10:9

Kubbooch daaheroochoommon ottii quyee beehe; girechon yeshoyich quyehe; girechonoo gaappee yechiꞌinoo bi dabboona geechiye.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 59:3

Ebiyoche taan wuxoyich ottii quyetinaꞌone; Doono Yeero, gondoon tuneba axaaxoon amoonolla ta shuuneyaanoon, maacmanjeenaꞌo ta toommooch tiyiyeete.

Shoddo 59:5

Beshe Mawe Nuggishoo Doono Yeero, ne, Israꞌeelee Nuggishoo neene; aageteenaꞌo bullin sheeroyich tibe; dawushoona gondoon shuunee beetinaꞌon maariyaahine.

Shoddo 62:4

Boonoshi gaboo biin bi oogee xaaꞌoochee kindiyoyichiye; kootee kootona emiriyeete. Boonoshi noonoona diiriyeete; tunebaani boonoshi mulloona uppiyeete.

Shoddo 83:5

Boonoshiyoo ikkotteꞌi koceeheete; ne toommooch timoyich wogoon giyiheete.

Shoddo 94:20

Dayinnetee dabiyoon tatoommon tuniibeeti, xumme qeejjechinaꞌo neenna tookki ikkotteheete?

Daaneeli 2:4

Xojjenee hiddechinaꞌo taatoyich Araamee noonoona, “Taatoocho, hume naton taatebe! Ne guuno nooch ne gumon ne maaccemmona, biishiree neech gettemmo noone” iyeete.

Daaneeli 3:2

Aroochee taatoo Nabukadinatsori iraasheenaꞌon, ukkireenaꞌon, woraaferasheenaꞌon, mikkirechinaꞌon, araaqee iraasheenaꞌon, nallechinaꞌon, showee geeneenaꞌonaa showoon qeejjii beetinaꞌo bullinon bi neechiti misilee diiree baarooch boonoshi woyemmoyich ceekkiihe.

Daaneeli 3:27

Iraasheenaꞌo, ukkireenaꞌo, woraaferasheenaꞌonaa mikkirechinaꞌona ikkooch kiceeꞌi, ebi keejje asheenaꞌochi qeddoon qaaqqoo ciroona michaano bi tunoon beeggiyeete. Qaaqqoo boonoshi qelli eexon tuneba boonoshi taheti tahoon michaanoone. Qaaqqee sheerolla boonoshi achooch aalloone.

Daaneeli 3:6

Baroona guufeꞌi goyinneyaano koniyoona bi beegaata, aaxxeebeeti qaaqqee sheellooch bekkech duppeyemmone’ itone” iye.

Daaneeli 6:16

Ebich taatoo Daaneelin daahereenaꞌochi oppooch boonoshi duppemmoyich bi getaa, deebii duppii boonoshi beetaa, taatoo Daaneelich “Bulli aaboon biich ne goyinnaa maddeebeeti ne Nuggishoo neen wodiibe” iye.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Mikiyaasi 6:5

Ta asheenaꞌote, Moꞌabee taatoo Balaaqi ittoshi qaabbechinaꞌo toommooch bi gabiti mooyon, wotta Beꞌoori bushoo Balaami ama iꞌi biich bi wochito gaata shalligibote. Shixiimi kaamboochee tiijjiꞌi Galigal beddaahaa tuneti mooyon shalligibote. Ebin shalligoona ittoshin wodiyoyich ta tuniiti mooyon xiishemmo ittoshine” iye.

Naahoomi 2:12

Daaheroo bi bushiishoyich beddemmon yechiye; maache daahereyichoo yexxii wuxiꞌi deebiye; bi gofoon bi wuxiti cooxona, bi oppoonoo bi yangixxiti meenona ceechiye.

Maatiyoosi 12:14

Ebich arooch beeti Fariseenaꞌo kechiꞌi, “Hini Yesuusin aabichiree wuxibona?” iꞌi echeeheete.

Maatiyoosi 26:4

Yesuusin maroona yechiyoyich, wuxiyoyichoo echeeheete.

Maariqoosi 15:1

Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.

Yowannisi 12:10

Ebich qeeshee ukkireenaꞌo Alazaarin wotta wuxiya echeeheete.