Daaneeli 6:4 - Kafa Linguistics Project

⁴ Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete.

Daaneeli 6:4 ပူးပေါင်းရင်းမြစ်များ

Halloo 41:38

Ebich Farooni bi iraasheenaꞌoyich “Iberoon Yeerichi Ayaano bi toommooch beeti, ebiyoommi ashoon danoon hakkehone?” iye.

Halloo 43:18

Uro Yooseefi kexooch boonoshin daammitoyich shattiyeete; ishichii gabiyeete: “Hiniich noon bi deebito, ebiyee aaf hini showooch waaꞌa no wottehooba, no mollexxooch wochaa giyiti gijjee naboyich tuno qayaache. Uro no toommooch ikke mooyon hallemmone; no kureenaꞌon boggemmone; noonoo giidoona guunon tuniyemmone” iꞌi shattiyeete.

Shaahiyoo 29:27

Gonde asheenaꞌo cadiqeenaꞌona ciigeetinaꞌone; kaameenaꞌoo gonde asheenaꞌona ciigeetinaꞌone.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 18:23

Tunebaani Doono Yeero, taan wuxoyich ta toommooch boonoshi koceeti koceyoon ariibeeto neene; boonoshi gondoon maariyaahine; boonoshi axaaxoonoo yibixiyaahine; ne aafooch kuuneete; ebi ne kaaroon boonoshi toommooch kindiibe.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Erimiyaasi 29:7

Kecaa ittoshi hammemmoyich ta tuniiti katemoyich diggoon qaawibote; ebi katemoyichoo Doono Yeeri ta waan corootibote; ebiyoo bi diggegaata, ittoshiyoo diggemmo ittoshi tunetoyichiye” iye.

Daaneeli 3:8

Areegaata, Baabloonee asheenaꞌoochee ikkikkeenaꞌo taatoo waan giddeꞌi Ayihudeenaꞌon taggeheete.

Daaneeli 5:12

Gumon biichii getoyich, turitoon biishonaa aacheeti mooyon gaxxiꞌi getonoyich bariti hakkoo, ariyoonaa shalligoona Belxesoori iꞌi taatoo ceeggiti ebi Daaneelich beetone. Ebich and Daaneelin ceekkiibe; biyoo ebi kooreeton biishiree neech gettemmone” iyan.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Maatiyoosi 26:4

Yesuusin maroona yechiyoyich, wuxiyoyichoo echeeheete.

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Luqaasi 20:26

Ebich dofee ashi aafooch bi noonoochee kechiti gonde mooyo aalletoyich, boonoshi danemmi mooyon mucceꞌi bi wochiti wochoyich worganeebee cikkii qajjiyeete.

Luqaasi 22:2

Arooba qeeshee ukkireenaꞌonaa Muusichi Sheeree dojjechinaꞌona dofee asheenaꞌoyich boonoshi shattitoyich, Yesuusin aabichiree boonoshi wuxemmo gaata gommon qaawii beeheete.

Yowannisi 19:4

Phelaaxoosi wochinnoon maaxooch kechiꞌi boonoshich “Bi toommooch amee gondoonona danee ta qayon ittoshi ariyemmoyich, biin maach ittoshich kichemmo taane” iye.

2 Qorontoosi 11:12

Tunebaani “Mishiraachecho noone” ii beeti ebi asheenaꞌo noochoommon shuunee beetinaꞌo shaahiree boonoshi geecemmi gommon bayoyich, and ta tuniyaa beetoommon wotta gubbichoo tuniyemmo taane.

1 Ximootiyoosi 5:14

Ebich kittinnee gurimaashe xuume maacheenaꞌo wochinnoon boonoshi shaagon, bushoonoo boonoshi shimon, boonoshi kexonoo gaawichiꞌi boonoshi yeshon, daaggiyoye; ebina noon shixxii beetinaꞌo naaggemmi kelloon muccemminaꞌone.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.

Woraaferasheenaꞌo 14:4

Ebi yemeenooba Israꞌeeleenaꞌon qeejjii beetinaꞌo Filsixeemeenaꞌone. Ebich Filsixeemeenaꞌona tookki kaaro tiyemmoyich, ebi mooyo tunee bi beeto, Doono Yeer waanee bi tunoon bi nihoonaa bi indeena ariyaaneenaꞌone.

1 Saameeli 12:4

Boonoshiyoo wochiꞌi, “Noon dachaano neene; xuꞌaano neene. Ashi waanee amoonolla deꞌaano neene” iyeete.

1 Saameeli 18:14

Doono Yeeri Daawitina tookkii tunehe. Ebich biinnaa bi ginee naayinaꞌona boonoshi koyeti xaaꞌoo bulliichaa kochii wochii beeheete.

1 Saameeli 22:14

Ahimeleekiyoo taatoyich ishichiꞌi wochiye: “Ne naayinaꞌo daggoochee gibeneeto, Daawitiyoommo konine? Biyoo ne bushee keno, ne quyee naayinaꞌo toommooch ukkiroo, wotta ne kexooch beeti asheenaꞌo oogiibeeti uroone.