Daaneeli 6:27 - Kafa Linguistics Project

²⁷ Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Daaneeli 6:27 ပူးပေါင်းရင်းမြစ်များ

Iyoobi 36:15

Yeeri xuuxee beetinaꞌon xuuxoochee wodiihe; duꞌoon bekkiyoona boonoshin dojjiye.

Shoddo 145:13

Ne taatittino bulli aabee taatittinoone; bushaa bushooch beddaahaa hajjemmo neene. Doono Yeeri bi qaaro bullina gibeneetone; bi shuunoo bullina shoodechone.

Shoddo 18:48

Bi ta etteenaꞌo kishoochee taan wodii beetone. Doono Yeero, ta etteenaꞌo toommooch taan oogiihine; xuꞌechinaꞌo kishoochee taan wodiihine.

Shoddo 18:50

Doono Yeeri bi taatiiti taatoyich ooge wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe.

Shoddo 32:7

Ne taach aashee xaaꞌoo neene; xuuxoochee taan quyemmo neene; wudee danee shoddoon ta guudoona tuniihine.

Shoddo 35:17

Ta Doonocho, cikkii ciini ne beeyemmo aati wottooniye? Ta kasheen boonoshi gonde shuunoochee, aaxxe ta kasheen daahereenaꞌo waanee, wodiibe.

Shoddo 97:10

Doono Yeeri gondoon shixxii beetinaꞌon shunniye; bi yaafeenaꞌochi kashoon quyehe; gondoochi kishoochee boonoshin wodiihe.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 4:31

Ebi yibbaatoo batt bi noonoochee kechaahaa, ishichiibeeti qaaro shimaayoochee biich waayeehe: “Taatoo Nabukadinatsoro, ebi neech ta gettaa beeton waayebe: Ne taatittino ne toommoochee shoottetone.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Yowannisi 4:48

Ebich Yesuusi “Worganikkiti malletoonaa gaakkechi shuunoonon ittoshi beego qayigaata, ta toommooch mulloon cir tooꞌiyaachote!” iye.

Mishiraachechinaꞌo 4:30

Ashoon wodiyoyichoo ne kishoon yaggiree, yaafe ne Bushoo Yesuusichi shigoona worganikkiti malletoonaa gaakkechi shuunoonon shuunebe” iꞌi corootiyeete.

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

1 Saameeli 17:26

Daawitiyoo bi gaꞌooch neexeebeeti asheenaꞌon “Ebi Filsixeemoon wuxiꞌi ebi shaahe yeelloon Israꞌeeleenaꞌo toommoochee wokkiimmoyich, amoone ichemmo? Wotta Beeyechi Nuggishoo Yeerichi ginee naayinaꞌon bi miichemmoyich, ebi dokireyaani Filsixeemo, halla konine?” iꞌi echehe.