Daaneeli 6:23 - Kafa Linguistics Project

²³ Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.

Daaneeli 6:23 ပူးပေါင်းရင်းမြစ်များ

1 Taateenaꞌo 5:7

Kiraamiyoo Solomoonichi wochoon waayeꞌi oogichii emiriye. “Ebi shaahe aricheti aagetoon bi qeejjemmoyich, Daawitich ariyechi bushoon immiti Doono Yeeri hanaach galleteeto tunebe” iye.

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Shoddo 18:21

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

Shoddo 37:40

Bi shoobooch boonoshi giyitoyich, Doono Yeeri boonoshin gaache wodiyemmone; gondeenaꞌo kishoochee boonoshin wodiyemmone.

Keyo 18:9

Yotooriyoo Doono Yeeri Gibitseenaꞌo kishoochee boonoshin wodiyoona, Israꞌeeleenaꞌoyich bi tuniiti gaawe mooyo bullin bi waayetoyich emiriye.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 3:25

Biyoo daakkiꞌi, “Ebiyoche, awudde asheenaꞌo qaaqqee daggoona shaꞌee beetinaꞌon beeggaabeeto taane. Boonoshiyoo cucheyaaneenaꞌone. Boonoshi qeddoo ciroona micaanoone. Awuddinnoo nuggisheexi ikkooniye bi shaahiibeeto” iye.

Daaneeli 6:14

Taatoo ebin bi waayehooba, oogeton ayiniye. Daaneelin bi wodiyemmi gommon qaawiya gabiye; biin wodiyoyich aabi gimi wottoon qiiccehe.

Daaneeli 6:18

Aroochee taatoo wotteꞌi bi taatee kexooch hammiye. Aroobee xum maayoon maataanoon, bi ashittinoonoo emirikkemmi mooyon tuniyaanoon qeyiye. Tokketoo bi aafoochee aallehe.

Maariqoosi 9:23

Yesuusi wochiꞌi, “ ‘Neech bi hakkeegaata’ inne? Mulloon Yeeri toommooch tooꞌitoyich, bulli mooyo hakkeyemmone” iye.

Hibireena'o 11:33

Ebi asheenaꞌo mulloon Yeeri toommooch boonoshi tooꞌitoyich, taatee showeenaꞌon kochii wochiyeete; dayinnetoona qeejjiyeete; Yeeri boonoshich gibenikkiti mooyon daneheete; daahereenaꞌochi gaakkoon hicciyeete;