Daaneeli 6:10 - Kafa Linguistics Project

¹⁰ Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 6:10 ပူးပေါင်းရင်းမြစ်များ

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

1 Taateenaꞌo 8:44

“Ne asheenaꞌo boonoshi etteenaꞌon kochemmoyich ne daachiitaa, gino aabiichona hammiichii, ne kaacceti katemoonaa neech ta haggeti kexona waan wotteechii Doono Yeeri ne waan boonoshi corootigaata,

1 Taateenaꞌo 8:54

Solomooni ebi bulli corootoonaa qolloonon Doono Yeerich giddii bi ciichitoyee gubb, bi kishoon shimaayooch yaggiꞌi bi guteneti, Doono Yeerichi deejjee gudee aafoochee tiyiye.

2 Kiinoo 6:38

kecaa boonoshi hammiti showooch beechii, ceeni boonoshi mulloonaa ceeni boonoshi gaboona ne waan boonoshi wottegaata, boonoshi qaabbechinaꞌoyich ne immeti boonoshi showoo waan, ne kaacceti katemoo waan, ne shigoyich ta haggeti kexo waan wotteechii, boonoshi corootigaata,

Iziri 9:5

Aroochee womikkee deejjee saatooch, are keexe maaci ta tahoonaa maachi ta tahoonon ta tahetona, coomaꞌa ta kotetoochee tiyeho; gutenaꞌa ta kishoon ta Nuggishoo Doono Yeer waan yaggaachaa,

Nehimi 6:11

Tunebaani ta “Taanoommi asho aash beddiye? Taanoommi asho bi kashoon wodiyoyich yaafee kexooch giyi beddiye? Ta giyaache” iyo.

Shoddo 34:1

Doono Yeerin bulli aaboon galletemmo taane; bi galletoon ta noonoochee kuxaachemmo taane.

Shoddo 5:7

Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.

Shoddo 55:17

Maaddoonaa womikkoonon, aabe tukkehaanoo, gaashillaa cookaabeeto taane; biyoo ta qaaroon waayemmone.

Shoddo 86:3

Heeyo bullin ne waan cookaabeeto taane; ta Doonocho, taach ariqqebe.

Shoddo 95:6

Ittoshi waataa yitiree biich goyinnebone; noon halliti Doono Yeeri aafooch gutenebone.

Daaneeli 6:13

Boonoshiyoo taatoyich ishichiyeete: “Taatoocho, Yihudee showoochee kecaa waati asheenaꞌo daggoochee ikkoo tuneti Daaneeli, neennaa ne kichiti awaajjoonon mooyooch haddaanoon, heeyooch keejje wottoon bi nuggishoon qollee beetone” iyeete.

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Yoonaasi 2:4

Tawoo ‘Ne aafoochee yoohaa aalleto taane; tunebaani yaafoo tuneti ne yaafee kexon, wochinnoon beeggemmo taane’ iyoye.

Maariqoosi 3:3

Yesuusiyoo bi kishoo qometi uroon, “Tiyi hini gutte daggooch neexebe” iye.

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

Luqaasi 22:41

Biyoo boonoshiyee xaqqee awur bedoon wokkiꞌi guteneechii,

Mishiraachechinaꞌo 10:9

Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye.

Mishiraachechinaꞌo 2:15

Ittoshi gabitoommon hini asheenaꞌo mashetinaꞌo tooneenaꞌone. Batt haree keejje saatoone.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 20:36

Ebiyee gubb, Phawuloosi boonoshi bullina tookkii guteneꞌi corootiye.

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 3:1

Ikke areddoon asheenaꞌo corootiya kiceebeeti saatooch, ebiyoo yiixiye saatooch, Pheexiroosinaa Yowannisina yaafee kexooch hammii beeheete.

Mishiraachechinaꞌo 4:29

Andoo Doonocho, boonoshi miichoon ciine; aafoon kuppheree ne qaaroon no gettemmoyich, ne guuno noon kupphiibe.

Mishiraachechinaꞌo 5:20

“Hamiree yaafee kexooch neexeree, hini kashee qaaree bulli mooyon asheenaꞌoyich getote” iye.

Mishiraachechinaꞌo 5:29

Pheexiroosinaa bare mishiraachechinaꞌona wochiꞌi ishichiyeete: “Ashich deꞌa no getoyee Yeerich deꞌa no geto tunibede mooyone.

Mishiraachechinaꞌo 7:60

Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.

Efesooni 3:14

Ebichi naboyich shimaayoonaa showoonooch beeti yaroo bullin halliti Nihoo Yeeri aafooch gutenaꞌa corootaabeeto taane.

Filipphisiyoosi 1:14

Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.