Daaneeli 5:7 - Kafa Linguistics Project

⁷ Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Daaneeli 5:7 ပူးပေါင်းရင်းမြစ်များ

Halloo 41:8

Bi dechara Farooni oogeton keqqii xuuxehe. Ebich Gibitsee showoo bulliich beeti kaayechinaꞌonaa yiiteenaꞌo bullinon ceekkiiꞌi, bi gummiti gumon boonoshich maacciye; tunebaani ebi gumon biisho hakkito koniyoona aallehe.

Asteeri 3:1

Ebi mooyo tunetoyee gubb, taatoo Yekisesi Agaagi yaroochee tuneti Hamedaati bushoo Hamaanin oogiihe; bare iraasheenaꞌo bulliyee beshoon tuniiꞌi iraashiihe.

Keyo 7:11

Aroochee Farooni Gibitsee showeexi kaayechinaꞌon, eboshiyoo yiiteenaꞌonaa allaameenaꞌonon bi ceegaa, boonoshiyoo boonoshi kaayoona ebiyoommon tuniiheete.

Shaahiyoo 1:9

Ebiyoo ne qellooch oogoon immiibeeti gubbichoommon, ne qettoon malletiibeeti aachee zaaboommonoo tunemmone.

Solomooni 1:10

Ne gaakkoo shashoona macecikkeetone; aaxxe qalibeto ne qettooch tippetone.

Isiyaasi 47:13

Meeti ciicoon waayoona nireti neene; agenee keyi baarooba xojjenoon ciinnii beetinaꞌo, xojjenee hiddechinaꞌo, ne toommooch tunemmon geteete; eke tiyiree neen wodiibeete.

Erimiyaasi 50:35

“Goraado Kalidee asheenaꞌo toommoochiye” iye Doono Yeeri. “Baabloonee showooch beetinaꞌo toommooch, bi ukkireenaꞌonaa ariyechinaꞌonochi toommoochiye!

Hiziqeeli 16:11

Macecikkiti shashoona neen shashiihoye; ne kishooch shagaamoon geddoye; ne qettoochoo shashoon tippoye.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Daaneeli 1:4

Bi kaaccemmo, taatee kexooch giyiꞌi maddee hakkoo boonoshich bi beeyemmoyich, boonoshi ashittinee quumo iiweenaꞌon, mallet gaaweenaꞌon, ariyechinaꞌon, yiiteenaꞌonaa mooyon kaatee yechii deqqii beetinaꞌona tuneti gurimaasheenaꞌoniye. Eboshin kaaciree, Baabloonee noonoon, wotta kooreeti mooyonoo bi dojjemmoyich gettiye.

Daaneeli 2:2

Aroochee taatoo gumon biishiree boonoshi gettemmoyich, kaayechinaꞌon, allaameenaꞌon, yiiteenaꞌonaa xojjenee hiddechinaꞌonon ceekkiihe. Waaꞌi bi aafooch boonoshi neexemmona,

Daaneeli 2:27

Daaneeliyoo taatoyich ishichiye: “Taatoocho, yiiteenaꞌo, allaameenaꞌo, kaayechinaꞌonaa xojjenee hiddechinaꞌonoochee ikkolla ne echeti aacheeti mooyon bekkiyoon hakkemmo aalloone.

Daaneeli 2:48

Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 2:6

Tunebaani gumonaa bi biishonon ittoshi getigaata, oogeti wojjoonaa oogoonon ittoshich immemmo taane. Illa and gumonaa bi biishonon taach getote” iye.

Daaneeli 4:14

Biyoo bi qaaroon oogichiꞌi ishichiye: ‘Ebi mixon qecceree dichibote; bi qaakkoon qendebote; bi waamonoo caabote; bi aafoonoo shacote. Ebin tuniyoona, bi yiirooch beeti cooxinaꞌonaa gijjeenaꞌona, bi qaakkooch beeti yoobbereenaꞌoo shace aallemmoyich tuniibote!

Daaneeli 5:11

Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.

Daaneeli 5:15

Ebi kooreeton shemmeree biishi boonoshi gettemmoyich, yiiteenaꞌonaa kaayechinaꞌonon ta waan boonoshi giijjemmoyich tuniito taane. Tunetaa biichiꞌi geton hakkaaneenaꞌone.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Haddoo 22:17

Gaawichiree neech gaaccemmo taane; taan ne echemmi mooyo amoonolla neech tuniyemmo taane. Waaree taach hini asheenaꞌon ufe’ itone” iꞌi gettiyeete.

Haddoo 22:7

Ebich Moꞌabee showee geeneenaꞌonaa Miidiyamee showee geeneenaꞌona ufoyich qocceyemmi gijjoon boonoshi kishooch yechiꞌi hammiyeete. Balaam waan waaꞌi Balaaqi wocheton gettiyeete.

Haddoo 24:11

And illa, ne showooch tiyi hambe. Neech gaacca ito taane; tunebaani Doono Yeeri neech gaacoon mucciitone” iye.

1 Saameeli 17:25

Israꞌeeleenaꞌo boonoshinaa boonoshina “Ebi qemi qemona kechiꞌi Israꞌeeleenaꞌon miicheebeeti uroon beeggiyote? Ebi uroon wuximmoyich taatoo wodde gijjoon wojjemmone. Bi busheenoo biich shaakkiyemmone. Israꞌeeleenaꞌo daggooch bi nihoo kechi asheenaꞌonoo gibiroochee wodiyemmone” iyeete.