Daaneeli 5:29 - Kafa Linguistics Project

²⁹ Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 5:29 ပူးပေါင်းရင်းမြစ်များ

Halloo 41:42

Farooniyoo bi kisheexi axxaammittee maatemoon kichii, Yooseefichi kishooch geddiye; muttee tuppoochee shippeti tahoon tajjiye; bi qettooch aachee sansalatoon tippiye.

Asteeri 10:3

Ayihudo Mordokiyoosi oogoona taatoo Yekisesichi guttinnoone. Biyoo bi yareenaꞌo diggoona keqqaalloon boonoshi beeyemmoyich woddoon qiicceti asho bi tunetoyich, bi maneenaꞌo tuneti Ayihudeenaꞌo bulli oogiibeeti ashoonaa shunniibeeti ashoonane.

Shaahiyoo 1:9

Ebiyoo ne qellooch oogoon immiibeeti gubbichoommon, ne qettoon malletiibeeti aachee zaaboommonoo tunemmone.

Daaneeli 2:48

Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:7

Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Daaneeli 6:2

Eboshi toommooch keejje asheenaꞌon iraashiihe. Boonoshi daggoochee ikkoo Daaneeline. Taatoo toommooch iritoo shagaachemmoyich, ebi keeminaꞌo iraasheenaꞌochi shuunoon boonoshi ciinnemmoyich tunehe.