Daaneeli 5:21 - Kafa Linguistics Project

²¹ Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Daaneeli 5:21 ပူးပေါင်းရင်းမြစ်များ

Iyoobi 39:5

“Kubbi kureenaꞌo boonoshi gaba boonoshi beeyemmoyich tuniito konine? Boonoshin biichii gawukkito konine?

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Daaneeli 4:14

Biyoo bi qaaroon oogichiꞌi ishichiye: ‘Ebi mixon qecceree dichibote; bi qaakkoon qendebote; bi waamonoo caabote; bi aafoonoo shacote. Ebin tuniyoona, bi yiirooch beeti cooxinaꞌonaa gijjeenaꞌona, bi qaakkooch beeti yoobbereenaꞌoo shace aallemmoyich tuniibote!

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:22

taatoocho, are mixo geto, neene. Newoo arichetonaa giidechonon tunehine. Ne oogo beshiꞌi shimaayooch shaggiye; ne giidoo showee tuggooch beddiye.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:26

Maraakoo michi xugo showooch bi beeyemmoyich bi geto, hini showoo bullin qeejjiibeeto, shimaayooch beeti Nuggishoo bi tunoon ne ariitoyee gubb, ne taatittino neech wottemmo bi tunooniye bi bekkiibeeto.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.