Daaneeli 4:7 - Kafa Linguistics Project

⁷ Aroochee kaayechinaꞌo, allaameenaꞌo, xojjenee hiddechinaꞌonaa mareccee maaccechinaꞌona waataa, boonoshich ta gumon maaccehoye. Tunebaani ebi gumon biichiꞌi geton mawiiheete.

Daaneeli 4:7 ပူးပေါင်းရင်းမြစ်များ

Halloo 41:24

Yiingitte shabaatte yilleenaꞌo gaawe shabaatte yilleenaꞌon qooxxiyeete. Ebinoo kaayechinaꞌoyich gettoye; tunebaani koniyoona taach biishon hakkaanoone” iye.

Halloo 41:8

Bi dechara Farooni oogeton keqqii xuuxehe. Ebich Gibitsee showoo bulliich beeti kaayechinaꞌonaa yiiteenaꞌo bullinon ceekkiiꞌi, bi gummiti gumon boonoshich maacciye; tunebaani ebi gumon biisho hakkito koniyoona aallehe.

Shoddo 37:35

Maaci manje gonde asho kaama ciixeꞌi Libanoosee yigoochoommon bi waarwaaritaa, beeggehoye.

Isiyaasi 44:25

Koote keemechinaꞌochi keemoon, qaaxechinaꞌochi qaaxoonoo, duubo tuniyemmo taane; yiiteenaꞌochi ariyoon guuppemmo taane; boonoshi ariyoon tuushittino tuniyemmo taane;

Hiziqeeli 31:3

Ne, bi waamo waarwaariibeeti, hubbimiꞌi yiireebeeti, bi neexoo genjoo, bi cilloo gumooch shaggiti, Libanoosi yigee mixoommi Asoorin eke ciine.

Daaneeli 1:4

Bi kaaccemmo, taatee kexooch giyiꞌi maddee hakkoo boonoshich bi beeyemmoyich, boonoshi ashittinee quumo iiweenaꞌon, mallet gaaweenaꞌon, ariyechinaꞌon, yiiteenaꞌonaa mooyon kaatee yechii deqqii beetinaꞌona tuneti gurimaasheenaꞌoniye. Eboshin kaaciree, Baabloonee noonoon, wotta kooreeti mooyonoo bi dojjemmoyich gettiye.

Daaneeli 2:10

Xojjenee hiddechinaꞌo taatoyich ishichiꞌi wochiyeete: “Ebi taatoo ariiya qaawiti mooyon geton hakkemmi asho koniyoona showee toommooch aalloone. Taatoo taane ito, am shaahoon giidechonaa oogoona bi tunetaanoona, ebiyoommi mooyon kaayechinaꞌon, allaameenaꞌonaa xojjenee hiddechinaꞌonon echee ariyaanoone.

Daaneeli 2:27

Daaneeliyoo taatoyich ishichiye: “Taatoocho, yiiteenaꞌo, allaameenaꞌo, kaayechinaꞌonaa xojjenee hiddechinaꞌonoochee ikkolla ne echeti aacheeti mooyon bekkiyoon hakkemmo aalloone.

Daaneeli 2:7

Boonoshiyoo wochinnoon ishichiyeete: “Taatoocho, gumon baach ne guuno nooch ne maacigaata, ebi gumon biishiree neech gettemmo noone” iyeete.

Daaneeli 3:8

Areegaata, Baabloonee asheenaꞌoochee ikkikkeenaꞌo taatoo waan giddeꞌi Ayihudeenaꞌon taggeheete.

Daaneeli 4:18

“Ta, taatoo Nabukadinatsori, gummeti gumo ebine. Belxesoor, and illa ne, ebi gumon biishiree taach gete! Ta taatittinee showooch beeti yiiteenaꞌo bulli daggoochee koniyoona biichiꞌi geton hakkito aalloone; tunebaani yaafe nuggisheenaꞌochi ayaano ne toommooch bi beetoyich, ne hakkemmo neene” iyoye.

Daaneeli 5:7

Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Daaneeli 5:8

Arooba yiiteenaꞌo bulli giyiyeete; tunebaani boonoshi daggoochee ebi kooreeton shemmoon tuneba ebi kooreeti mooyon taatoyich biichii geton hakkito koniyoona aalloone.