Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daaneeli 4:37 - Kafa Linguistics Project

37 Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

အခန်းကိုကြည့်ပါ။ ကော်ပီ




Daaneeli 4:37
31 ပူးပေါင်းရင်းမြစ်များ  

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.


Aroochee taatoo Hamaanich ishichiye: “Kaate hamiree, taatee tahoonaa hareshoonon deebe. Taatee kechi uxeree kellooch koteꞌi beeti Ayihudo Mordokiyoosich, ebi ne gettetoommon tuniibe; ebi ne gettetoochee ikke mooyonona shappiiyaahine” iye.


Doono Yeero, ne dayinneto tato bi tunoon ariyaabeeto taane; taan ne sheerito gibeneeto ne tunetoyichiye.


Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.


Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.


Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.


Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.


Tunebaani Beshe Mawe Doono Yeeri, dayinnetoona nalloona bi oogoon bekkiyemmone; Yaafe Nuggishoo cadiqoona nalloona bi yaafittinoon bekkiyemmone.


“Maꞌoon ciixxiibeeti shangechinaꞌon Baablooni katemooch ceegote; bi guudoona kotebeete; ikkolla muriccaaye. Israꞌeelee Yaafoo tuneti Doono Yeeri ta toommooch bi geecitoyich, bi shuunoommon biich shuunebote; bi tuniitoommon bi toommooch tuniibote.


Ne geecee aabooba ne manee Sodoomin cooqqiraane neene?


Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.


Maraakoo michi xugo showooch bi beeyemmoyich bi geto, hini showoo bullin qeejjiibeeto, shimaayooch beeti Nuggishoo bi tunoon ne ariitoyee gubb, ne taatittino neech wottemmo bi tunooniye bi bekkiibeeto.


Bi tuniiti worganikkiti malletoo am shaahoon oogetone! Bi shuuneti gaakkechi shuunoo am shaahoon giidechone! Bi taatittino bulli yemeenee taatittinoone; bi hajjemmoo, shiijjeroochee shiijjerooch beddaahaane.


Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.


Woyinee uyoon uchiibee aachoochee, birewoochee, gooshoochee, xuuroochee, mixonaa xaqqoonoochee shuuneeti, nuggisheenaꞌochi misiloon galleteheete.


Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.


“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.


Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.


Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!


Deejjee gudoochaa “Eeha, iberoone; Beshe Hakkechi Nuggishoo Doono Yeero, ne nalliti nalloo iberoonaa cadiqoonane” immi qaaroon waayeho.


Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ