Daaneeli 4:35 - Kafa Linguistics Project

³⁵ Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 4:35 ပူးပေါင်းရင်းမြစ်များ

Iyoobi 23:13

“Tuniiya bi qaawiton tuniihe; bi gaboon shaddiyemmo koniyoona aalloone.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Iyoobi 40:2

“Beshe Hakkechi Yeeri taan, taggeree wochemmo danehe? Eke Yeerina tookkii taggeebeeto, and wochibe” iye.

Iyoobi 42:2

“Bulli mooyon tuniyoon hakkaabeeto ne tunoon, ariito taane. Ne gabiton ne tuniyaachemmoyich bayo hakkeyaache.

Iyoobi 9:4

Yeeri shalligechonaa giidechonane; biinna tookkii gajjiteeꞌi diggeto konine?

Shoddo 115:3

No Nuggishoo shimaayoochiye; biin emirikkimmon tuniyemmone.

Shoddo 135:6

Showoonaa shimaayoonooch, baharoonaa waarwaare aaco bullinooch, Doono Yeeri bi shunnimmon tuniyemmone.

Shoddo 33:14

Bi beeyi xaaꞌoochaa showee toommooch beetinaꞌo bullin beeggiye.

Shoddo 39:5

Ta yemeenoon ciixi qaton tuniiꞌa qamichihine; ta kashee yemeeno ne aafoochaa am bedaanoone. Iberoochaa ashi kasho hiinnoommone;

Shoddo 49:1

Macceenaꞌote, ittoshi bulli ebin waayebote; showee toommooch beetinaꞌote, ellebote.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Dojjecho 8:4

Taatoochi qaaro kuppho bi tunetoyich “Amoyich ebin tuniinne?” geton hakkemmo aalloone.

Isiyaasi 19:17

Yihudee showoo Gibitseenaꞌon keqqichemmone; Beshe Mawe Doono Yeeri Gibitseenaꞌo toommooch tuniiya bi gabitoochee tiyitona Yihudichon waayemmo bulli shattemmone.

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Daaneeli 6:27

Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Yoonaasi 1:14

Boonoshiyoo ishichiꞌi Doono Yeer waan cookiyeete: “Doono Yeero, hini uroochi kashee naboyich noon wuxi aalliyaahine; xalle ashi damee mangoonoo no toommooch deebaahine! Doono Yeero, ebi bulli tunemmoyich daaggito neene” iyeete.

Mishiraachechinaꞌo 11:17

Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Mishiraachechinaꞌo 5:39

Yeer waanee tuneto gaatoo, boonoshin aalliyoon hakkaachote; hini mooyo Yeerina tookkii kaareꞌi koyo ittoshich tunemmone” iye. Ayihudee nallechinaꞌo Gamaleelichi yibbaatoon waayeheete;

Mishiraachechinaꞌo 9:5

Biyoo “Ta Doonocho, koni neene?” iꞌi echehe. Doono biich wochiꞌi, “Ne duꞌiibeeti Yesuusi taane.

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

1 Qorontoosi 2:16

Yaafe Macaafooch bi kooreetoommon, “Doono Yeerichi gaboon ariito konine? Biinoo boyemmo konine?” Tunebaani Kiristoosichi gaboo nooch beetone.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Yaasi 2:2

Arooba Yaariki taatoo Israꞌeeleenaꞌo daggoochee ikkikkeenaꞌo showoon qiidda aroobee xum katemooch giyitinaꞌo boonoshi tunoon waayehe.

1 Saameeli 3:18

Ebich Saameeli bulli mooyon biich gettiye. Ikke mooyonona biich aachaanoone. Eeliyoo “Bi, Doono Yeerine. Gaaweto tuneꞌi biich bekketon tuniibe” iye.