Daaneeli 4:30 - Kafa Linguistics Project

³⁰ ishichiye: “Ebi Baablooni am shaahe ooge katemoo gaata ciinote. Ebi katemoon ooge ta giidoona taatoo beeyi xaaꞌoon tuniyaꞌa ta shuuniito, ta oogee yiiroon bekkiyoyichiye” iye.

Daaneeli 4:30 ပူးပေါင်းရင်းမြစ်များ

Halloo 10:10

Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

Asteeri 1:4

Boonoshichoo ooge bi taatee gaannoonaa bi taatee oogee yiiroonon ceeni shiritte agenoon bekkiihe.

Shoddo 104:1

Ta kasheene, Doono Yeerin diiribe! Ta Nuggishoo Doono Yeero, ne am shaahe oogoo neene! Oogee yiiroonaa oogoonon taheto neene.

Shoddo 49:20

Asho bi gaannoona gappaache; gijjeenaꞌochoommon qitemmone.

Shoddo 73:8

Boonoshiyoo coonee gondoon yibbaateheete; geeciibee bareenaꞌon neexxii hajjoyich miicheheete.

Shaahiyoo 11:2

Geecoo waagaata, cooneyoo woyemmone; tunebaani boonoshi qelloon giishii beetinaꞌo waan shalligoo beetone.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Shaahiyoo 29:23

Ashoon bi geecoo giishiihe; tunebaani bi qelloon giishiibeeto, oogoon danemmone.

Isiyaasi 13:19

Taatittineenaꞌochi ooge, Kalideenaꞌochi geecee tuneti Baabloonin, Doono Yeeri ta, Sodoominaa Gomoorinochoommon guuppemmo taane.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Daaneeli 4:31

Ebi yibbaatoo batt bi noonoochee kechaahaa, ishichiibeeti qaaro shimaayoochee biich waayeehe: “Taatoo Nabukadinatsoro, ebi neech ta gettaa beeton waayebe: Ne taatittino ne toommoochee shoottetone.

Imbaaqoomi 1:11

Aroochee yongo yongeꞌi beshoommon besheheete. Boonoshiyoo boonoshi giidoon nuggishoochoommon gibeneebeeti xuꞌechi asheenaꞌone” iye.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Luqaasi 14:9

Ittoshi guttin ataallito are kexooch giyiꞌi, ‘Ebi oogee xaaꞌoon hini uroyich gawukkibe’ bi getigaata, arooba yeellebee tiyi desh qach kotemmo neene.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 14:8

Aree hillooch bare guttinnee maraakoo dabbiꞌi, “Aageteenaꞌo bulli mashiibeeti bi shunee mami woyinee uyoon uchemmoyich tuniiti ooge katemee Baablooni dihitiyoche; dihitiyoche!” iꞌi cookiye.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 17:5

Bi baroochoo aacheeti mooyon yechiti shigo: Ooge Katemee Baablooni, Yahechinaꞌonaa Showee Toommeexi Ciigeetinaꞌonochi Indee, getaa kooreetone.

Yaaꞌoo 18:10

Bi xuuxoon beegi shatiree wohooch neexeechi, ‘Hini ooge giidechi katemee Baabloone! Diqqoona Yeerichi nalloo ne toommooch shaggitoche! Neech woowo!’ getibee cookemminaꞌone.

Yaaꞌoo 18:21

Arooba ikke giidechi maraakoo ooge yiikke xaqqoommi xaqqoon tiijjiꞌi baharee daggooch ishichiibee duppiye: “Ooge katemee Baabloonin Yeeri ebiyoommon oogeti giidoona dufi aalliyemmone; ebiyee bekk ciroona daneyaachemmine.