Daaneeli 4:27 - Kafa Linguistics Project

²⁷ Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Daaneeli 4:27 ပူးပေါင်းရင်းမြစ်များ

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

Shoddo 119:46

Ne geteenaꞌona yeelleyaachemmo taane; taateenaꞌo aafoochaanoo gettemmo taane.

Shaahiyoo 11:2

Geecoo waagaata, cooneyoo woyemmone; tunebaani boonoshi qelloon giishii beetinaꞌo waan shalligoo beetone.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Isiyaasi 10:13

Asooree taatoo ishichitone: “Ebin ta tuniito, gabecho ta tunetoyich, ta mochee kupphoonaa ta shalligoonane; aageteenaꞌo daggooch beeti showee daaroon happiyoye; boonoshi gaannoonoo boggoye; taateenaꞌon gattoo koyoommon kochaꞌa giishiihoye.

Isiyaasi 47:10

Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Erimiyaasi 29:7

Kecaa ittoshi hammemmoyich ta tuniiti katemoyich diggoon qaawibote; ebi katemoyichoo Doono Yeeri ta waan corootibote; ebiyoo bi diggegaata, ittoshiyoo diggemmo ittoshi tunetoyichiye” iye.

Erimiyaasi 38:20

Erimiyaasi ishichiye: “Boonoshich beshiitaa icheyaachemmo neene; neech ta gettemmi Doono Yeerichi qaaroyich deꞌa gete; neech diggoo tunemmone; ne kasho muriccemmone.

Hiziqeeli 18:7

koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata,

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Hiziqeeli 29:9

Gibitsee showoo shokkaachoonaa amolla aalloona tunemmone; ebiyooba boonoshiyoo Doono Yeeri ta tunoon ariyemminaꞌone. “ ‘Ebiyoo “Abbaayi aaco taachone; ebi aacon shuuneto taane” ne itoyichiye.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Amootsi 6:13

Lodebaari katemoon ittoshi yechitoyich geecoona ciixeebeeto ittoshine; wotta “Qarinayimi katemoon no yecheto no giidoonane” ii beeto ittoshine.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Imbaaqoomi 1:11

Aroochee yongo yongeꞌi beshoommon besheheete. Boonoshiyoo boonoshi giidoon nuggishoochoommon gibeneebeeti xuꞌechi asheenaꞌone” iye.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

Maatiyoosi 3:8

Illa axaaxee gommoochee Yeer waan ittoshi wottoon bekkiibeeti shuunoon shuunebote.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 8:22

Illa hini xumme ne gaboochee Yeer waan wottebe. Yeerin ne qolletaa, diqqich ebi ne mullee gondoochee neen maaremmo tunemmone.

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

Galaati 5:13

Ta maneenaꞌote! Guuchittinoochee ittoshi kechemmoyich Yeeri ittoshin ceeggitone; tunetaa ebi guuchittinoochee ittoshi keyon meechi qaatoyich deꞌa ittoshi gettemmi gommon tuniyaahote. Tunebaani ittoshinaa ittoshina ikkoo baroyich shunoona maddebe.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Yibbaatoo 24:13

Ebi tahoon tahe bi qeyemmoyich, xumi xumoon biich wochibe. Ebina neen galletemmone; ne Nuggishoo Doono Yeeri aafoochaanoo cadiqee shuunoo tuneree neech haddeyemmone.

Yibbaatoo 32:27

tunebaani ittoshi etteenaꞌo geecaachemmoyich, “Boonoshin kochaa wochito noani; ebin tuniito Doono Yeeri toonoone” boonoshi getaachemmoyich, ittoshi etteenaꞌochi mooyon shattoye’ iye.

Yibbaatoo 8:17

Ebich ne mulloona ‘Ebi bulli gaannoon taach daniito, ta giidoonaa ta hakkoonane’ getiree ne gabaachemmoyich, ne qelloon ariibe!

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.