Daaneeli 4:2 - Kafa Linguistics Project

² Beshe Nuggishoo Yeeri taach tuniiti worganikkiti malletoonaa gaakkechi shuunoonon ittoshich geto taach gaaweton shaahiꞌi bekketone.

Daaneeli 4:2 ပူးပေါင်းရင်းမြစ်များ

Iyoobi 7:14

tunebaani ne gumona taan shatiihine; yaaꞌoona taan keqqichihine.

Shoddo 51:14

Taan Wodiyechi Nuggishoo Yeero, damee ukkee gondoochee taan wodiibe. Taan ne wodiyoon ta qaaroon oogichiree shoddemmo taane.

Shoddo 65:9

Amiyon dichoona showeyich aaxxiyaabeeto ne tunoon bekkiihine; oogeton bi gaannemmoyich tuniihine; Doono Yeero, showee maayoon bi immemmoyich tuniyoyich, aacinaꞌo shappii ariyaaneenaꞌone; ebiyoommo bi tunemmoyich tuniihine.

Shoddo 66:16

Yeerin shattii beetinaꞌote, ittoshi bulli waaree waayebote; Yeeri taach tuniiton gettemmo taane.

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Daaneeli 2:1

Nabukadinatsori bi taateti guttinnee natooba, gumon gummiye. Ebi gumo biin oogeton bi keqqichitoyich, tokketoo bi aafoochee aallehe.

Daaneeli 3:26

Nabukadinatsoriyoo qaaqqee sheellee kellooch giddeꞌi, “Beshe Nuggishoo Yeeri guuno tuneti Sidiraaq, Misaaq, Abidinago! Waa keyote; hach wobote” iye. Boonoshiyoo kechiyeete.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:24

“Taatoocho, ebi gumi biisho ebine; Beshoo Yeeri taatoo ta doono ne toommooch bi awaajjiti awaajjo ebine:

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 6:27

Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Yowannisi 4:48

Ebich Yesuusi “Worganikkiti malletoonaa gaakkechi shuunoonon ittoshi beego qayigaata, ta toommooch mulloon cir tooꞌiyaachote!” iye.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.