Daaneeli 4:19 - Kafa Linguistics Project

¹⁹ Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 4:19 ပူးပေါင်းရင်းမြစ်များ

Halloo 31:35

Raaheeliyoo bi nihoon “Ta doonocho, neech tiyaa neexoon ta qajjetoyich, kaareyaahine. Dupphechi ta tunetoyichiye” iyan. Biyoo boshee qaawiye; tunebaani bi qaawitaanona, bi kechi asheenaꞌochi shahalleenaꞌon daneyaanoone.

Halloo 32:18

‘Ne guuno Yaaqobichone. Ta doono Esayich bi deejjiti mattaayoone; biyoo no gubb waa beetone’ gete” iye.

Halloo 40:12

Yooseefiyoo ishichiye: “Hini gumo ebine: Keejje woyinee qombee ato geto, keejje qemo getone.

1 Taateenaꞌo 18:7

Abidiyi hammii bi beetaa, gommoochaa Eliyaasi biinna danehe. Abidiyiyoo biin ariihe; baroona guufeechii, “Ta doono Eliyaaso, iberoon ebi halla neene?” iye.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Erimiyaasi 29:7

Kecaa ittoshi hammemmoyich ta tuniiti katemoyich diggoon qaawibote; ebi katemoyichoo Doono Yeeri ta waan corootibote; ebiyoo bi diggegaata, ittoshiyoo diggemmo ittoshi tunetoyichiye” iye.

Erimiyaasi 4:19

Ye ta xuuxo! Ye ta xuuxo! Biiyoona qaferehoye. Ye ta mullo! Ta mullo maacaa qicciye; shametee qaaroonaa, kokkoree qaaroonon ta waayetoyich cikkoon hakkaache.

Daaneeli 1:7

Taatee kechi iraashoo boonoshich bare shigoon shigiihe; Daaneelin Belxesoori, Hanaaniyin Sidiraaqi, Mishaꞌeelin Misaaqi, Azariyaasinoo Abidinagi, iꞌi shigiihe.

Daaneeli 2:26

Belxesoori getteebeeti Daaneelin taatoo, “Ta gummeti gumonaa bi biishonon geton hakkenne?” iye.

Daaneeli 2:37

Taatoocho, ne, taateenaꞌo taatoo neene. Shimaajji Nuggishoo ne taatemmoyich tuniitone; giidoon, hakkoonaa oogee yiiroonon neech immitone.

Daaneeli 4:24

“Taatoocho, ebi gumi biisho ebine; Beshoo Yeeri taatoo ta doono ne toommooch bi awaajjiti awaajjo ebine:

Daaneeli 5:12

Gumon biichii getoyich, turitoon biishonaa aacheeti mooyon gaxxiꞌi getonoyich bariti hakkoo, ariyoonaa shalligoona Belxesoori iꞌi taatoo ceeggiti ebi Daaneelich beetone. Ebich and Daaneelin ceekkiibe; biyoo ebi kooreeton biishiree neech gettemmone” iyan.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Daaneeli 7:15

Ta, Daaneeli, oogeton xuuxeho; ta beeggeti yaaꞌoo taan keqqichiye.

Daaneeli 7:28

Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

1 Saameeli 1:15

Haanniyoo ishichaꞌa biich wochiyan: “Ta doonocho, masheyaane taane. Woyinee uyoon woyee mashiibeeti uyoon uyaane taane. Ta, oogeton ayiniti ure ta tunetoyich, ta iritoon Doono Yeerich shooshaaniye ta beeto.

1 Saameeli 24:8

Aroyee gubb, Daawiti xaqqee gofoochee Saaꞌoolin dabbii kechiꞌi, “Taatoo ta doonocho!” iꞌi ceeggiye. Saaꞌooli gubb wottee bi ciinnimmona, Daawiti Saaꞌoolich oogoon imoyich, baroona showooch guufehe.

1 Saameeli 26:15

Daawitiyoo ishichiye: “Ne, kupphe uro toono neene? Israꞌeeleenaꞌo daggooch neenoommi kuppho konine? Ishigaata, taatoo ne doonon gaawichaꞌa quyoon ne qajjeto, amoyichiye? Ikke asho taatoo ne doonon wuxiya ittoshi beetooch giyitone.

1 Saameeli 3:17

Eeliyoo ishichiye: “Doono Yeeri neech gettiti mooyo, amoone? Ebi mooyon taach aachiyaahine. Yeeri neech bi gettitoochee ikke mooyonona taach ne aachigaata, Yeeri ne toommooch ebin tuniibe; ebinoo daakkibe” iye.