Daaneeli 3:7 - Kafa Linguistics Project

⁷ Ebich xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon boonoshi waayehooba, ashi yaroo bulliichee, aagetoo bulliichee, asho yibbaateebeeti noonoo bulliicheenoo kiceeti asheenaꞌo bulli taatoo Nabukadinatsori neechiti, aachoochee shuuneeti misiloyich baroona guufeꞌi goyinneheete.

Daaneeli 3:7 ပူးပေါင်းရင်းမြစ်များ

Erimiyaasi 51:7

Baablooni showoo bulli mashemmoyich tuniiti, Doono Yeeri ta kishooch beeti aachee xoofoone; aageteenaꞌo bi uyoochee uchitinaꞌone; ebich geyetinaꞌone.

Daaneeli 2:46

Aroochee taatoo Nabukadinatsori baroona guufeꞌi Daaneelich goyinnehe. Buuroonaa ixaanoona biich giddemmoyichoo gettiye.

Daaneeli 3:10

Taatoocho, xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon waayemmo bulli baroona guuferee aachoochee shuuneeti misiloyich bi goyinnemmoyich, baroona guufeꞌi goyinneyaano koniyoona bi beegaata, aaxxeebeeti qaaqqee sheellooch bi duppeyemmoyich awaajjoon kichito neene.

Daaneeli 3:4

Aroochee awaajjee gettecho bi qaaroon oogichiꞌi, “Ashi yaroo bulliichee, aagetoo bulliichee, asho yibbaateebeeti noonoo bulliicheenoo kiceeti asheenaꞌote, ittoshich getteeto ebine:

Daaneeli 3:5

‘Xurumbee qaaroon, tiimbe qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayegaata, ta neechiti, aachoochee shuuneeti misiloyich baroona guuferee goyinnebote!

Daaneeli 3:6

Baroona guufeꞌi goyinneyaano koniyoona bi beegaata, aaxxeebeeti qaaqqee sheellooch bekkech duppeyemmone’ itone” iye.

Daaneeli 3:8

Areegaata, Baabloonee asheenaꞌoochee ikkikkeenaꞌo taatoo waan giddeꞌi Ayihudeenaꞌon taggeheete.

Mishiraachechinaꞌo 14:16

Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye.

1 Yowannisi 5:19

No Yeericho no tunoon, wotta hini alemeexinaꞌo bulli, gondoochi nihoyich boonoshi hajjeyoonoo ariibeeto noone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 13:3

Are cooxochi qelleexi ikkoo yexxee qitiya beddiꞌi mayeton beeggeho; tunebaani qitiya beddiꞌi mayeto wodiye. Showooch beeti asheenaꞌo bulli worganeꞌi ebi cooxon dabbiyeete.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 17:8

Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.