Daaneeli 3:29 - Kafa Linguistics Project

²⁹ “Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.

Daaneeli 3:29 ပူးပေါင်းရင်းမြစ်များ

2 Taateenaꞌo 10:27

Aroochee Baꞌaalee xaqqee giimboon qicciyeete; Baꞌaalee yaafee kexon happiyeete. Ebinoo hanaach beddaahaa qashee kexo tuniiheete.

Iziri 6:11

“Ebi awaajjoon shaaddemmi asho koniyoona bi beegaata, bi kechi duuhoochee ikkoo waaxaa, hacheetaa, aroona koyaa bi yooddeyemmoyich, bi kexo guudoo duppi xaaꞌoo bi tunemmoyichoo getteto taane.

Shoddo 3:8

Wudoo daneebeeto Doono Yeer waaneeniye; ne diiroo ne asheenaꞌo toommooch tunebe.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Daaneeli 1:19

Taatoo boonoshi bullina tookkii bi yibbaatehooba, boonoshi bulli daggoochee Daaneelina, Hanaaniyina, Mishaꞌeelinaa Azariyaasina tookkii tateto aalloone. Ebich taatee kexeexi shuunooch giyiyeete.

Daaneeli 1:7

Taatee kechi iraashoo boonoshich bare shigoon shigiihe; Daaneelin Belxesoori, Hanaaniyin Sidiraaqi, Mishaꞌeelin Misaaqi, Azariyaasinoo Abidinagi, iꞌi shigiihe.

Daaneeli 2:17

Aroochee Daaneeli kexooch hammii bi nuucheenaꞌo Hanaaniyi, Mishaꞌeelinaa Azariyaasinoyich ebi mooyon gettiye.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 2:49

Daaneeli taatoon echetaa taatoo, Sidiraaqin, Misaaqinaa Abidinaginon Baabloonee showooch iraashiihe. Tunebaani Daaneeli taatee kexooch beehe.

Daaneeli 2:5

Taatoo boonoshich ishichiye: “Gumonaa bi biishonon taach ittoshi geto qayigaata, ittoshi ashittino qecciqeccaayaa bi kuchemmonaa ittoshi kexo happaa bi aallemmonoyich, ebi mooyon maacceto taane.

Daaneeli 3:12

Tunebaani taatoocho, Baabloonee woraafooch boonoshi shuunemmoyich ne iraashiiti ikkikke Ayihudeenaꞌo, eboshiyoo Sidiraaqi, Misaaqinaa Abidinagina, ne getoon mooch haddaaneenaꞌone. Ne nuggisheenaꞌoyich maddaacheete; aachoochee shuuniyaꞌa ne neechiti misiloyichoo goyinneyaacheete” iyeete.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Daaneeli 6:28

Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.

Yibbaatoo 32:31

Boonoshi nuggisheenaꞌo no Nuggishoochoommon, giidechi deebeenaꞌo boonoshi tunee qayon, boonoshi etteenaꞌo boonoshi qelloona arii beetinaꞌone.