Daaneeli 3:24 - Kafa Linguistics Project

²⁴ Areegaata taatoo Nabukadinatsori worganoona bi kotetoochee bekkech capphii tiyiꞌi, bi mikkirechinaꞌoyich, “Cucheree qaaqqee daggooch boonoshi duppeyemmoyich no tuniito, keejje asheenaꞌon toone?” iye. Boonoshiyoo “Taatoocho, iberoone; keejje asheenaꞌoniye” iyeete.

Daaneeli 3:24 ပူးပေါင်းရင်းမြစ်များ

2 Kiinoo 22:4

Bi nihoo qititoyee gubb, Akaabi kechi asheenaꞌo boyeꞌi aallooch biin boonoshi yaabitoyich, Akaabichi shiijjereenaꞌo tuniitoommon, Doono Yeeri aafooch gonde mooyon tuniihe.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 3:23

Ebi keejje asheenaꞌo boonoshi cuchetona aaxxeebeeti qaaqqee sheellee daggooch dihiyeete.

Daaneeli 3:25

Biyoo daakkiꞌi, “Ebiyoche, awudde asheenaꞌo qaaqqee daggoona shaꞌee beetinaꞌon beeggaabeeto taane. Boonoshiyoo cucheyaaneenaꞌone. Boonoshi qeddoo ciroona micaanoone. Awuddinnoo nuggisheexi ikkooniye bi shaahiibeeto” iye.

Daaneeli 4:22

taatoocho, are mixo geto, neene. Newoo arichetonaa giidechonon tunehine. Ne oogo beshiꞌi shimaayooch shaggiye; ne giidoo showee tuggooch beddiye.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 5:6

Biyoo oogeton keqqiye; bi halloo shaddeehe; bi baatoo qajjiye; bi tingoo qewehe.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Daaneeli 6:7

Taatoocho, hini shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla bi qolleyaachemmoyich, qollemmo bi beegaata, daahereenaꞌochi oppooch bi duppeyemmoyich awaajjoon ne kichiyemmonaa ebi awaajjoon manjoo ne tuniyemmonoyich, iraasheenaꞌo, ukkireenaꞌo, mikkirechinaꞌonaa woraaferasheenaꞌona, ne showoon qeejjiibeeti no bulli echeeto noone.

Mishiraachechinaꞌo 12:13

Pheexiroosi are kexooch shaggiꞌi uxeree kelloon bi qoppimmona, Roodi getteebeeti ikke shaajjetee waayaꞌa kellooch giddaa ellahan;

Mishiraachechinaꞌo 26:13

gommoochaa shiritte saati bedooch, aabee aaxxoyee beshe bekkoon beeggeho; hini bekkoo taannaa taanna tookkii hammiibeeti asheenaꞌonochi guudoona shimaayoochee aaxxehe.

Mishiraachechinaꞌo 26:27

Taatoo Agrippho, keemechinaꞌo keemmiton iberiibeeto toonoo neene? Ne iberiyoon ariibeeto taane” iye.

Mishiraachechinaꞌo 9:6

And tiyiree katemooch gibe; ne tuniyemmo neech getteyemmone” iye.

1 Saameeli 17:55

Daawiti Gooliyaadina koyeya bi hammii beetaa Saaꞌooli beeggiꞌi, bi ginee iraashoo Abeneerin “Abeneero, ebi bushoo koni bushoone?” iꞌi echehe. Abeneeriyoo “Taatoocho, ne kashoona wogehoye. Ta ariyaano taane” iye.