Daaneeli 3:15 - Kafa Linguistics Project

¹⁵ Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 3:15 ပူးပေါင်းရင်းမြစ်များ

2 Taateenaꞌo 18:35

Ebi aagetee showeenaꞌochi nuggisheenaꞌo bulli daggoochee boonoshi showoon ta kishoochee wodiyoon hakkito beete? Doono Yeeri Yerusaalemin ta kishoochee bi wodiyemmo, aabichireeshiye?’ itone” iye.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 2:9

Gumon taach geton ittoshi qayigaata, barbaraani ikke shaahe nalloo ittoshi toommooch kindemmone. ‘Mooyo qeyi shaddeyemmone’ ii gabiꞌi, taan dawushi beeya kootoon getta koceeto ittoshine. Ebich gumon taach getote. Ebi gumon biichii geton hakkemmo ittoshi tunoon ebina ariyemmo taane” iye.

Daaneeli 3:17

Taatoocho, aaxxeebeeti qaaqqee sheellooch no duppegaata, biich no goyinnaabeeti Nuggishoo noon wodiyoon hakkiye; ne kishoocheenoo noon wodiyemmone.

Daaneeli 6:16

Ebich taatoo Daaneelin daahereenaꞌochi oppooch boonoshi duppemmoyich bi getaa, deebii duppii boonoshi beetaa, taatoo Daaneelich “Bulli aaboon biich ne goyinnaa maddeebeeti ne Nuggishoo neen wodiibe” iye.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Maatiyoosi 10:19

Asheenaꞌo ittoshin beshii imiyooba ‘Aabichiree gettehone?’ woyee ‘Ama gettehone?’ getiree xuuxeyaahote; areegaata ittoshi gettemmon Yeeri ittoshich immemmone.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Maariqoosi 13:11

Wotta asheenaꞌo ittoshin beshii imiyooba, ‘Ama gettehone?’ getiree shiichi iriteyaahote. Tunebaani areegaata Yeeri ittoshich immimmi mooyon getote. Gettemmo Yaafe Ayaanoani ittoshi toonoone.

Luqaasi 12:11

“Ittoshin Ayihudeenaꞌo kiceebeeti kechi nallechinaꞌo, showee iraasheenaꞌonaa ukkireenaꞌona waan boonoshi geechiyooba, arooba ittoshi gettemmi mooyon Yaafe Ayaano ittoshich arichiyemmo bi tunetoyich ‘Aabichiree woyee ama getiree wochehone?’ woyee ‘Ama gettehone?’ getiree xuuxeyaahote” iye.

Luqaasi 13:9

Gubbich bi aafegaata, beebuye. Qajjaa bi mawigaata, arooba kuchebuye’ iꞌi gettiye” iye.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

Mishiraachechinaꞌo 5:29

Pheexiroosinaa bare mishiraachechinaꞌona wochiꞌi ishichiyeete: “Ashich deꞌa no getoyee Yeerich deꞌa no geto tunibede mooyone.

Mishiraachechinaꞌo 6:15

Areegaata nalloyich koteti Ayihudeenaꞌo bulli Isxifanoosin manjii boonoshi ciinnimmona, bi aafo maraakee aafoon shaahiye.