Daaneeli 3:12 - Kafa Linguistics Project

¹² Tunebaani taatoocho, Baabloonee woraafooch boonoshi shuunemmoyich ne iraashiiti ikkikke Ayihudeenaꞌo, eboshiyoo Sidiraaqi, Misaaqinaa Abidinagina, ne getoon mooch haddaaneenaꞌone. Ne nuggisheenaꞌoyich maddaacheete; aachoochee shuuniyaꞌa ne neechiti misiloyichoo goyinneyaacheete” iyeete.

Daaneeli 3:12 ပူးပေါင်းရင်းမြစ်များ

Asteeri 3:8

Ebich Hamaani taatoo Yekisesich ishichiye: “Ne taatee showee daggooch beeti woraafeenaꞌo bulliich shaceꞌi beeti, ikke ashi yaroo beetone. Ebi asheenaꞌochi sheeroo bare asheenaꞌo bullichi sheeroyee baritone. Boonoshiyoo taatoochi sheeroyich deꞌa getaani asheenaꞌone. Ebi asheenaꞌon cikkii qayo taatoyich gaaweto toonoone.

Shaahiyoo 27:4

Kaaro maaci manjoone; ippoo ambamboommone; tunebaani qanaatee aafooch neexoon hakkemmo konine?

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Daaneeli 1:7

Taatee kechi iraashoo boonoshich bare shigoon shigiihe; Daaneelin Belxesoori, Hanaaniyin Sidiraaqi, Mishaꞌeelin Misaaqi, Azariyaasinoo Abidinagi, iꞌi shigiihe.

Daaneeli 2:48

Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 2:49

Daaneeli taatoon echetaa taatoo, Sidiraaqin, Misaaqinaa Abidinaginon Baabloonee showooch iraashiihe. Tunebaani Daaneeli taatee kexooch beehe.

Daaneeli 3:16

Sidiraaqi, Misaaqinaa Abidinagina Nabukadinatsorich ishichiꞌi wochiyeete: “Taatoocho, ebi echoyich wochoo nooch qaawiyaani mooyone.

Daaneeli 3:29

“Ebich ebiyoommon wodiibeeti bare nuggishoo aallo bi tunetoyich, Sidiraaqi, Misaaqinaa Abidinaginochi Nuggishoo toommooch gonde mooyon yibbaatemmi, ashi yaroo bulliichee, aagetoo bulliichee, asho yibbaateebeeti noonoocheenoo tuneti asho koniyoona, bi ashittino qecciqeccaayaa bi kuchemmonaa bi kexo happaa bi aallemmonoyich getteto taane” iye.

Daaneeli 3:30

Aroochee taatoo Sidiraaqin, Misaaqinaa Abidinaginon Baabloonee showooch aafichoyee beshe xaaꞌooch iraashiihe.

Daaneeli 6:13

Boonoshiyoo taatoyich ishichiyeete: “Taatoocho, Yihudee showoochee kecaa waati asheenaꞌo daggoochee ikkoo tuneti Daaneeli, neennaa ne kichiti awaajjoonon mooyooch haddaanoon, heeyooch keejje wottoon bi nuggishoon qollee beetone” iyeete.

Daaneeli 6:14

Taatoo ebin bi waayehooba, oogeton ayiniye. Daaneelin bi wodiyemmi gommon qaawiya gabiye; biin wodiyoyich aabi gimi wottoon qiiccehe.

Mishiraachechinaꞌo 17:7

Yaasooniyoo boonoshin bi kexooch giijjitone; eboshi bulli ‘Yesuusi getteebeeti bare taatoo beetone’ iibee Qesaarichi sheeroon tiichii beetinaꞌone” iꞌi gettiyeete.

Mishiraachechinaꞌo 5:28

“ ‘Hini ittoshi ceeggiibeeti shigoona asheenaꞌoyich dojjiyaahote’ iyaꞌa manjaayaa ittoshich getaano noone? Ebiyoche, Yerusaalem beetinaꞌo bullich bechitote. Are uroochi damee naboona no echeyemmoyich tuniiya qaawiibeeto ittoshine” iye.