Daaneeli 3:1 - Kafa Linguistics Project

¹ Taatoo Nabukadinatsori bi neexo shiche hiroo, bi gidoo shiritte hiroo tuneti misiloon aachoochee shuuniihe. Aroonoo Baabloonee showooch beeti, Duuri bakkooch neechiihe.

Daaneeli 3:1 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

Asteeri 1:1

Hiindee showoochee tiijjiꞌi Topphiyee showooch beddaahaa beeti balli hiyaa shabaatte woraafeenaꞌon hajjiibeeti, taatoo Yekisesi yemeenooba ebi tunehe.

Shoddo 135:15

Aageteenaꞌochi shahalleenaꞌo birewoonaa aachoonoochee shuuneeti ashi kishee shuuneenaꞌone.

Keyo 20:23

Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.

Keyo 32:31

Ebich Muusi Doono Yeer waan wottee hammiꞌi ishichiye: “Ebi asheenaꞌo magge axaaxoon shuunetinaꞌone. Aachoochee nuggishoon boonoshich shuunetinaꞌone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 46:6

Asheenaꞌo aachoon boonoshi kolloochee tebbeheete; birewoonoo machoona qocciyeete; aachee ukkechon boonoshi kiraayaa, nuggishoon tuniiꞌi shuunehe; boonoshiyoo guufeꞌi biich goyinneheete.

Erimiyaasi 10:9

Qicceti birewoo Tarisheshee, aachoo Ufaazee waahe. Eboshiyoo shuunee ariyechonaa aachee ukkechonochi shuuneenaꞌone; boonoshi taho shimaayitoonaa dameroonane; bulliyona ariyechochi shuuneenaꞌone.

Erimiyaasi 16:20

Asho bi qellich nuggisheenaꞌon shuuno hakkehe? Eboshi nuggisheenaꞌo tooneenaꞌone.

Daaneeli 2:48

Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 2:49

Daaneeli taatoon echetaa taatoo, Sidiraaqin, Misaaqinaa Abidinaginon Baabloonee showooch iraashiihe. Tunebaani Daaneeli taatee kexooch beehe.

Daaneeli 3:14

Nabukadinatsori boonoshich ishichiye: “Haanoshite! Sidiraaq, Misaaq, Abidinago! Ta nuggisheenaꞌoyich maddaachone ittoshi getonaa aachoochee shuuniyaꞌa ta neechiti misiloyich goyinneyaachone ittoshi getona iberoone?

Daaneeli 3:30

Aroochee taatoo Sidiraaqin, Misaaqinaa Abidinaginon Baabloonee showooch aafichoyee beshe xaaꞌooch iraashiihe.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 5:4

Woyinee uyoon uchiibee aachoochee, birewoochee, gooshoochee, xuuroochee, mixonaa xaqqoonoochee shuuneeti, nuggisheenaꞌochi misiloon galleteheete.

Hosee'i 2:8

Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.

Hosee'i 8:4

“Ta daaggaalloon taateenaꞌon taatiiheete. Taan echeyaanoon ukkireenaꞌon ukkiriiheete. Boonoshi aallemmoyich naboo tunemmi shahalloon, boonoshi birewoonaa aachoonoochee shaahii shuuneheete.

Imbaaqoomi 2:19

Mixoochee shuuneeti mooyon tibe, miime xaqqoonoo kaamebe, ii beeti ittoshich woowo! Ebi aroo ittoshich yaaꞌoon bekkiyoon hakkehe? Bi achoo aachoonaa birewoona dikkeeto bi tunetaanoona, kashaalli mooyone.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Yibbaatoo 7:25

Boonoshi shahalloon qaaqqoona michibe. Ne Nuggishoo Doono Yeer waanaa ciigeeto bi tunetoyich, boonoshi toommooch beeti birewoon woyee aachoon qaatiyaahine. Ebi aroona ne olleyaachemmoyich deqqaahine.

Yaaꞌoo 9:20

Ebi naxeenaꞌona qitaanoon muricciti asheenaꞌo andoo boonoshi gonde shuunoon qajjiꞌi Yeer waan wotteyaaneenaꞌone; yinneenaꞌoyich goyinnoon, wotta aachoonaa birewoonoochee, gooshoochee, xaqqoonaa mixonoochee kishoona boonoshi shuuneti, ciinon woyee waayoon woyee shaꞌoon hakkaani, shahalloyich goyinnoon qayaaneenaꞌone;