Daaneeli 2:48 - Kafa Linguistics Project

⁴⁸ Daaneelich taatoo oogoon wojjiye; meeti wojjoonoo biich wojjiye. Baabloonee showoo bulliich biin iraashiihe; Baabloonee yiiteenaꞌo toommoochoo biin iraashiihe.

Daaneeli 2:48 ပူးပေါင်းရင်းမြစ်များ

2 Saameeli 19:32

Barizilayi geene uroone; biyoo shinne nati ashoone. Gaannecho bi tunetoyich, taatoo Mahanayim bi beehooba taatoonaa bi ginee naayinaꞌonoyich maayoon giddiitone.

2 Taateenaꞌo 5:1

Sooriyee taatoochi ginee iraashoo Naꞌimaani Doono Yeeri biinna wudoon Sooriyeenaꞌoyich bi daniitoyich, bi doono aafoochaa gidoon daneti ashoone; wottoo kupphoonaa ginee anaamonane. Tunebaani qeddee shaddee biiyechone.

Iyoobi 1:3

Biichoo shabaatte hume bago, keejje hume gaalee, uuche balle kashee gattoonaa uuche balle maache kureenaꞌona beetinaꞌone; wotta meeti guuninaꞌo biich beetinaꞌone. Aabi-keyo waan beeti asheenaꞌoyee beshoon oogeti gaannechi uroone.

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Daaneeli 2:6

Tunebaani gumonaa bi biishonon ittoshi getigaata, oogeti wojjoonaa oogoonon ittoshich immemmo taane. Illa and gumonaa bi biishonon taach getote” iye.

Daaneeli 3:1

Taatoo Nabukadinatsori bi neexo shiche hiroo, bi gidoo shiritte hiroo tuneti misiloon aachoochee shuuniihe. Aroonoo Baabloonee showooch beeti, Duuri bakkooch neechiihe.

Daaneeli 3:12

Tunebaani taatoocho, Baabloonee woraafooch boonoshi shuunemmoyich ne iraashiiti ikkikke Ayihudeenaꞌo, eboshiyoo Sidiraaqi, Misaaqinaa Abidinagina, ne getoon mooch haddaaneenaꞌone. Ne nuggisheenaꞌoyich maddaacheete; aachoochee shuuniyaꞌa ne neechiti misiloyichoo goyinneyaacheete” iyeete.

Daaneeli 3:30

Aroochee taatoo Sidiraaqin, Misaaqinaa Abidinaginon Baabloonee showooch aafichoyee beshe xaaꞌooch iraashiihe.

Daaneeli 4:6

Ebich Baabloon beeti yiiteenaꞌo bulli ta waan waaree, ebi gumon biishiree boonoshi gettemmoyich, gettoye.

Daaneeli 4:9

“Yiiteenaꞌochi ukkiroo tuneti Belxesooro! Yaafe nuggisheenaꞌochi ayaano ne toommooch bi beemonaa aacheeti mooyo bullin ariibeeto ne tunoonon ariibeeto taane. Ta gummeti gumo ebiyoche, taach biishiree gete!

Daaneeli 5:11

Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 5:7

Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Haddoo 24:11

And illa, ne showooch tiyi hambe. Neech gaacca ito taane; tunebaani Doono Yeeri neech gaacoon mucciitone” iye.

1 Saameeli 17:25

Israꞌeeleenaꞌo boonoshinaa boonoshina “Ebi qemi qemona kechiꞌi Israꞌeeleenaꞌon miicheebeeti uroon beeggiyote? Ebi uroon wuximmoyich taatoo wodde gijjoon wojjemmone. Bi busheenoo biich shaakkiyemmone. Israꞌeeleenaꞌo daggooch bi nihoo kechi asheenaꞌonoo gibiroochee wodiyemmone” iyeete.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.

1 Saameeli 25:2

Kaaleebi yaroo tuneti, Naabaali getteebeeti ikke uro beehe. Biyoo Maꞌoonee ashoone. Biichoo Qermeloosi gaꞌooch showoo beetone. Oogeti gaannechi uroone. Keejje hume bagoonaa ikke hume emmishoona biich beetone. Bi mecheechi shigo Abigeli getteehe. Biyoo gaawe malletechi, wottoo shalligechi ureene. Tunebaani bi keno maacmanje, qoci gondee uroone. Ebi uro Qermeloosaa bi bageenaꞌochi eexon cakkii beehe.