Daaneeli 2:45 - Kafa Linguistics Project

⁴⁵ Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Daaneeli 2:45 ပူးပေါင်းရင်းမြစ်များ

Halloo 41:26

Gaawe, aangechi shabaatte miiminaꞌo geto, shabaatte nato getone; gaawe shabaatte yilleenaꞌo geto, shabaatte nato getone. Ebi gutte gumo ikkoonaa shaahoonane.

Halloo 41:28

“Shiichaꞌa neech ta gettetoommon, Yeeri tuniiya bi ii beeti mooyon neech bekkiitone.

Halloo 41:32

Ebi gumo guttaa bi bekketo, mooyo Yeer waanaa maacheto bi tunetoyichiye. Ebinoo Yeeri katini aabee daggooch ceechemmone.

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Kiinoo 16:25

Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

Nehimi 4:14

Aroochee mooyon ta ciinnetoyee gubb, ogoogeenaꞌonaa ukkireenaꞌonoyich, echeti asheenaꞌoyichoo ishichiyo: “Boonoshin shattaahote; oogoonaa shattiitona tuneti Doono Yeerin gabibote. Ittoshi maneenaꞌoyich, ittoshi anaami bushiishoonaa maache bushiishoonoyich, ittoshi mecheenaꞌonaa ittoshi kexonoyicha getiree koyebote” iyaꞌa boonoshich getteho.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Iyoobi 36:26

Yeeri beshiti oogoo bi tunetoyich, biin xiishii ariyoon hakkaachone; bi yemeenoon koniyoona haddii ariyoon hakkaache.

Shoddo 135:5

Doono Yeeri oogoo bi tunoon, no Doono nuggisheenaꞌo bulliyee besho bi tunoon, ariihoye.

Shoddo 145:3

Doono Yeeri oogoone; biin oogichii galleto tatoone; bi oogittino shalligoyee damboone.

Shoddo 2:9

Xuuree gumboona boonoshin buriccemmo neene; nuuqqee qiicoochoommon yiikkemmo neene” itone.

Shoddo 48:1

Doono Yeeri oogoone; no Nuggishoochi katemoochaa yaafeeti bi guudoochaa ooge galleto biich giddo tatoone.

Shoddo 96:4

Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Daaneeli 2:24

Ebich Daaneeli Baabloonee yiiteenaꞌon bi wuxemmoyich taatoo ukkiriiti Ariyook waan hammiꞌi ishichiye: “Baabloonee yiiteenaꞌon wuxiyaahine; taatoo waan taan daambe; tawoo taatoochi gumon biishi gettemmo taane” iye.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 2:29

“Taatoocho, ne qeenooch tokketaabee, woyemmi yemeenooch tunemmi mooyon gummehine. Aacheeti mooyon gaxxiibeeti Nuggishoo tuneya ii beeti mooyon neech bekkiitone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 8:25

Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

Zakaariyaasi 12:3

Ebiyooba Yerusaalemi aageteenaꞌo bullich xaqqo maggoommon bi maggemmoyich tuniyemmo taane. Biin tiijjiya qiiccemmo bulli mayemmone; showee toommeexi aageteenaꞌo bulli biin kocha woyemminaꞌone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 21:24

Yesuusi wochiꞌi boonoshich ishichiye: “Ta wotta ittoshin ikke mooyon echebona; ittoshi wochigaata, ta wotta hini mooyinaꞌon amee ukkirittinoona ta tuniyaabeeto gaata ittoshich gettemmo taane.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Luqaasi 17:20

Fariseenaꞌo daggoochee ikkikkeenaꞌo Yesuusin “Yeerichi taatittine bulli toommooch bi beddemmo aatane?” iꞌi boonoshi echemmona, Yesuusi wochiꞌi, “Yeerichi taatittine bulli toommooch bi beddemmo malletee quyoona toonoone.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Yaaꞌoo 1:19

“Illa ne beeggeton, ebiyoo and tunee beetonaa ebiyee gubb tunemmi mooyonon kooribe.

Yaaꞌoo 19:17

Ikke maraakoo aabee toommooch neexeꞌi bi beetaa beeggeho; oogeti qaaroona cookiꞌi shimaayoona yoobbiibeeti gaceenaꞌoyich “Wobote; taateenaꞌonaa hume ginee iraasheenaꞌonochi meenon, giidechinaꞌochi meenon, haresheenaꞌonaa boonoshin yebbetinaꞌonochi meenon, guuchi yareenaꞌonaa xalle yareenaꞌonochi meenon, gishiisheenaꞌonaa ogoogeenaꞌonochi meenon, asheenaꞌo bullichi meenon ittoshi maayemmoyich, Yeerichi gifiree maayo qannitooch waaree kiceebote” iye.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.