Daaneeli 2:38 - Kafa Linguistics Project

³⁸ Ashoon, kubbi cooxonaa shimaajji kafoonon amee xaaꞌoochona bi beetaa, eboshi bullin ne hajjemmoyich ne kishooch beshiiꞌi immitone. Ebi aachoochee shuuneeti qello geto neene.

Daaneeli 2:38 ပူးပေါင်းရင်းမြစ်များ

Erimiyaasi 34:1

Baabloonee taatoo Nabukadinatsorinaa bi ginee naayinaꞌo bullina, bi hajjiibeeti taatee showoonaa aagetoonooch beeti ginee naayinaꞌoo Yerusaaleminaa bi guudoona beeti katemoo bullinon kochii boonoshi beehooba, Doono Yeeri bi qaaroona Erimiyaasich ishichiye:

Daaneeli 1:2

Yeeri Yihudee taatoo Yoyaqiimin yaafee kexooch beeti qiiceenaꞌoochee ikkikkeenaꞌona tookkii bi kishooch beshiiꞌi immiye. Biyoo ebi qiiceenaꞌon Baabloon beeti bi nuggishoochi yaafee kexooch daammiye; qiiceenaꞌonoo bi nuggishoochi ginjabeetooch kotiihe.

Daaneeli 2:32

Ebi misilo, bi qello xalle aachoochee, bi getoonaa kishoona birewoochee, bi shimetoonaa doshoona gooshoochee,

Daaneeli 2:39

“Neyee gubb, neyee bedaani bare taatittino tiyemmone. Aroyee gubb showoo bullin hajjemmi, gooshoona shaaheeti keejjinnee taatittino tiyemmone.

Daaneeli 4:18

“Ta, taatoo Nabukadinatsori, gummeti gumo ebine. Belxesoor, and illa ne, ebi gumon biishiree taach gete! Ta taatittinee showooch beeti yiiteenaꞌo bulli daggoochee koniyoona biichiꞌi geton hakkito aalloone; tunebaani yaafe nuggisheenaꞌochi ayaano ne toommooch bi beetoyich, ne hakkemmo neene” iyoye.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 7:4

Shiichiꞌi kechito daaheroon shaahoone; booyee qoshoommi qoshechone. Ciinnaa ta beetaa, bi qoshoo waaxehe. Ebi cooxon kaama tiijjiꞌi, ashichoommon gutte baatoona bi neexemmoyich tuniiheete. Ashi mulloo biich ichehe.