Daaneeli 2:29 - Kafa Linguistics Project

²⁹ “Taatoocho, ne qeenooch tokketaabee, woyemmi yemeenooch tunemmi mooyon gummehine. Aacheeti mooyon gaxxiibeeti Nuggishoo tuneya ii beeti mooyon neech bekkiitone.

Daaneeli 2:29 ပူးပေါင်းရင်းမြစ်များ

Halloo 41:25

Yooseefiyoo Faroonich ishichiye: “Ebi gutte ne gumo ikkoone. Yeeri bi tuniiya ii beeti mooyoniye neech bi bekkiito.

Hiziqeeli 38:10

“ ‘Nuggishoo Doono Yeeri Googich ishichii beetone: Ebiyooba mooyon gabooch giyemmo neene; gonde yamoonoo yamemmo neene;

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 2:23

Ta qaabbechinaꞌochi Nuggishoocho, neen galletoye; neen oogiihoye. Newoo taach shalligoonaa giidoonon immeto neene; neen no qolleti mooyon taach arichiito neene; taatoyich no wochemmi mooyon nooch arichiito neene” iye.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 2:45

Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Amootsi 4:13

Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.