Daaneeli 2:28 - Kafa Linguistics Project

²⁸ Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 2:28 ပူးပေါင်းရင်းမြစ်များ

Halloo 40:8

Boonoshiyoo “No qelli qellee gumon gummehone; tunebaani ebi gumon biishiree nooch gettemmi ashoon muccehone” iyeete. Yooseefiyoo “Gumon biichi ariyoon ashich immiibeeto Yeerine. Ebich ittoshi gummiti gumon taach getote” iye.

Halloo 41:16

Yooseefiyoo Faroonich “Ta doonocho, taach biichi hakkoo aalloone; tunebaani neech gaaweti gommona Yeeri biichemmone” iye.

Halloo 41:25

Yooseefiyoo Faroonich ishichiye: “Ebi gutte ne gumo ikkoone. Yeeri bi tuniiya ii beeti mooyoniye neech bi bekkiito.

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Shoddo 115:3

No Nuggishoo shimaayoochiye; biin emirikkimmon tuniyemmone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Erimiyaasi 10:7

Aageteenaꞌochi Taatoocho, neen shataachemmo konine? Showee toommeexi ariyechinaꞌo bullich, boonoshi taatittino bullichi daggooch, neen shaahemmo aallo bi tunetoyich, oogo neech tunebe.

Erimiyaasi 30:24

Doono Yeerichi kupphe kaaro, bi mullee gaboon bi ceechimmi wottoon wotteyaachemmone; woyemmi yemeenooch ebin shalligemmo ittoshine.

Erimiyaasi 48:47

“Tunebaani ciiree yemeenooch Moꞌabichi kecoon wochemmo taane, iye Doono Yeeri” iye. Moꞌabi toommooch maacheti nalloo ebi wottoone.

Hiziqeeli 28:3

Daaneeliyee beshi ariyecho neene? Neech aacheeti mooyo amolla aalloone getone?

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 2:18

Biyoo Baabloonee yiiteenaꞌona tookki boonoshi qitaachemmoyich, shimaajji Nuggishoo boonoshich ariqqeree ebi aacheeti mooyon boonoshich bi gaxxemmoyich, boonoshi qollemmoyich gettiye.

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Daaneeli 2:45

Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 4:5

Tunebaani ikke shattiiti gumon gummoye. Ta qeenooch tokketaa ta beetaa, ta mullo gabiti gaboonaa yaaꞌoona taan keqqichiye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Amootsi 4:13

Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Yibbaatoo 31:19

“Illa and hini shoddoon kooriree, Israꞌeeleenaꞌoyich dojjibote. Boonoshi toommooch miixoo bi tunemmoyich, ebi shoddoon boonoshi mulloona boonoshi yechemmoyich tuniibote.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

2 Ximootiyoosi 3:1

Ebin ariibe! Ciiree aabo katiniyooba, xuuxiyemmi yemeeno woyemmone.

Hibireena'o 1:1

Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

2 Pheexiroosi 3:3

Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.