Daaneeli 2:23 - Kafa Linguistics Project

²³ Ta qaabbechinaꞌochi Nuggishoocho, neen galletoye; neen oogiihoye. Newoo taach shalligoonaa giidoonon immeto neene; neen no qolleti mooyon taach arichiito neene; taatoyich no wochemmi mooyon nooch arichiito neene” iye.

Daaneeli 2:23 ပူးပေါင်းရင်းမြစ်များ

Halloo 18:17

Hammii boonoshi beetaa, Doono Yeeri ishichiye: “Tuniiya ta iyaa beeton Abrahamich aachehota?

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

1 Taateenaꞌo 18:36

Womikkee deejjee saato bedaa keemechi Eliyaasi giddeꞌi, “Abrahamichi Nuggishoo, Yisaaqichi Nuggishoo, Israꞌeelichi Nuggishoo Doono Yeero, ne, Israꞌeeleenaꞌo toommooch Nuggishoo ne tuno, tawoo ne guuno ta tuno, ebinoo ne qaaroona ta tuniyoo hanaach arichebe!

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

1 Kiinoo 29:10

Daawiti iitoo bulli aafoochaa Doono Yeerin ishichiꞌi galletehe: “No qaabbechi Israꞌeelichi Nuggishoo Doono Yeero, bulli yemeenoochee bulli yemeenooch, galleto neech bede.

1 Kiinoo 29:13

No Nuggishoocho, andoo neen galletehone; ooge ne shigoonoo naadiyone.

2 Kiinoo 20:6

ishichiye: “No qaabbechinaꞌochi Nuggishoo Doono Yeero, shimaayooch beechaa aagetee taatittino bullin qeejjaabeeti Nuggishoo neene. Giidoonaa hakkoona ne kishoochiye. Neen wochoon hakkemmo, koniyoona aalloone.

Shoddo 21:2

Bi mullee qaatoon biich immehine; bi qolletonoo biich bayaano neene.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Keyo 3:15

Wotta Yeeri Muusich “Israꞌeeleenaꞌoyich ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo tuneti Doono Yeeri ittoshi waan taan wochee deejjitone’ gete. Ta shigoo bulli yemeenoon ishine; gubbi shiijjeroo bulli taan shalligemmo, ebi shigoonane.

Shaahiyoo 21:22

Mullecho giidechinaꞌochi katemoon kochii yeshon hakkiye; boonoshi gibenaabeeti mishigoon tiishon hakkiye.

Shaahiyoo 24:5

Mullechi asho giidechone; ariyechi asho kupphee kupphee hammiye.

Shaahiyoo 8:14

Ciicoonaa gaawe shalligoona taach beetone; gaawe gaboo taach beetone; giidoo taach beetone.

Dojjecho 7:19

Shalligoo mullechi ashoon, katemoon qeejjiibeeti aashire iraasheenaꞌoyee beshe hakkechon tuniihe.

Dojjecho 9:16

Ebi girechochi shalligoo hoxeeto, bi yibbaatoo waayeyaano bi tunetaanoona, “Giidoyee shalligoo beshiye” iyoye.

Dojjecho 9:18

Ginee qiicoyee shalligoo beshiye; axaaxechi ikke asho meeti gaawe mooyon aalliyoon hakkiye.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Daaneeli 1:17

Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Daaneeli 2:18

Biyoo Baabloonee yiiteenaꞌona tookki boonoshi qitaachemmoyich, shimaajji Nuggishoo boonoshich ariqqeree ebi aacheeti mooyon boonoshich bi gaxxemmoyich, boonoshi qollemmoyich gettiye.

Amootsi 3:7

Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Yowannisi 11:41

Asheenaꞌoo xaqqoon tiijjiyeete. Yesuusi kaama wottee ciinniꞌi, “Ta Nihoocho, taachon ne waayetoyich neen galletehoye.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 5:5

Arooba geeneenaꞌo daggoochee ikkoo taach ishichiye: “Qaye, eeppaahine. Ebiyoche, Yihudi yoodoochee tuneti daaheroo, biyoo Daawitichi colloonaa yaroona tuneto bi shixechinaꞌon kochii wochitone; ebich qoddeti macaafoon yaggoyich, shabaatte maatemeenaꞌon gaxxoyichoo beddito tuneꞌi danetone” iye.