Daaneeli 2:22 - Kafa Linguistics Project

²² Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 2:22 ပူးပေါင်းရင်းမြစ်များ

Halloo 41:16

Yooseefiyoo Faroonich “Ta doonocho, taach biichi hakkoo aalloone; tunebaani neech gaaweti gommona Yeeri biichemmone” iye.

Iyoobi 12:22

Manderoo qeriti hooneenaꞌon gaxxiye; dunne manderoonoo bekkoona shaddiye.

Iyoobi 26:6

Siꞌoolo Yeerich xalla bekkee beetone; aallee xaaꞌoo bi aafoochee qereeto toonoone.

Shoddo 104:2

Bekkoon tahoochoommon taheto neene; shimaayoonoo duukkaanoochoommon yaggito neene.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Shoddo 36:9

Kashoo bullichi xuupho ne tunetoyich, ne bekkoona bekkoon beeggehone.

Dojjecho 8:1

Shalligechi ashoon shaahoo hakkemmo konine? Moochi biishoon ariyemmo konine? Shalligoo ashi aafoon biriihe; ippoon are ashi aafoochee bajjiye.

Isiyaasi 41:22

Ittoshi shahalleenaꞌon deebote; gubb tunemmo amo gaata nooch geteete; boonoshi ciiroon no ariyemmoyich, eboshin kichi no kindiyemmoyich wonnee mooyon nooch geteete.

Isiyaasi 41:26

No ariyemmoyich, wonnee tiijjiꞌi gettito konine? Iberoone no gettemmoyich, shiichiꞌi keemmito konine? Gettito aalloone; awaajjito aalloone; ittoshi qaaroon waayeto aalloone.

Isiyaasi 42:9

Shiichaꞌa ta getteti mooyo ceennitone; and wotta gubb tunemmi mooyon, bi tunoyee shiichaa gettaabeeto taane” iye.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Erimiyaasi 33:3

“Ta waan cookibe; neech wochemmo taane; beggaa ne ariyaani giidechi mooyon neech bekkiyemmo taane.

Daaneeli 2:11

Ebi taatoo echeebeeti mooyo oogeton maggoone. Boonoshi beeyi xaaꞌoo ashi daggooch tuneyaani nuggisheenaꞌoyee besh, taatoyich ebin geton hakkemmo aalloone” iyeete.

Daaneeli 2:19

Aroobee xum ebi aacheeti mooyo yaaꞌoona Daaneelich bekkehe. Biyoo shimaajji Nuggishoon galletehe;

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 5:11

Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.

Daaneeli 5:14

Yaafe nuggisheenaꞌochi ayaano ne toommooch bi beemon, yaaꞌecho, ariyechonaa shalligechona ne tunoonoo waayeto taane.

Maatiyoosi 13:13

Ebich ciinniibee beego boonoshi qajjitoyich, waayeebee ello boonoshi qajjitoyich, shalligoonoo boonoshi qajjitoyich shaahiyoona boonoshich arichiihoye.

Yowannisi 1:9

Are bekko alemooch waabee, asho bullich bekkiibeeti ibere bekkoone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Yibbaatoo 29:28

And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

1 Yowannisi 1:5

Bi waanee no waayeto, andoo ittoshich no arichiibeeti wocho “Yeeri bekkoone; manderoo cir bi waan aalloone” ii beetone.