Daaneeli 2:12 - Kafa Linguistics Project

¹² Ebi mooyona taatoo oogeton ippee kaareꞌi, Baabloon beeti yiiteenaꞌo bulli wuxaa boonoshi aallemmoyich gettiye.

Daaneeli 2:12 ပူးပေါင်းရင်းမြစ်များ

Iyoobi 5:2

Ippo yeexere ashoon wuxiye; qanaato mullaalli ashoon wuxiye.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Shaahiyoo 16:14

Taatoochi kaaro qitee wochee bushoommone; tunebaani mullechi asho ebi kaaroon aqqiihe.

Shaahiyoo 19:12

Taatoochi kaaro daaheree cidoommone; tunebaani bi aafoochaa gidoon dano, mocee toommeexi keetoommone.

Shaahiyoo 20:2

Taatoochi kaaro gigeebeeti daaheroommon shattiitone; biin ippiimmo bi kashee toommooch nallitone.

Shaahiyoo 29:22

Sheenechi asho kaaroon booddiye; ippechoo wodde axaaxoon shuunehe.

Daaneeli 2:24

Ebich Daaneeli Baabloonee yiiteenaꞌon bi wuxemmoyich taatoo ukkiriiti Ariyook waan hammiꞌi ishichiye: “Baabloonee yiiteenaꞌon wuxiyaahine; taatoo waan taan daambe; tawoo taatoochi gumon biishi gettemmo taane” iye.

Daaneeli 2:5

Taatoo boonoshich ishichiye: “Gumonaa bi biishonon taach ittoshi geto qayigaata, ittoshi ashittino qecciqeccaayaa bi kuchemmonaa ittoshi kexo happaa bi aallemmonoyich, ebi mooyon maacceto taane.

Daaneeli 3:13

Ebich taatoo Nabukadinatsori oogeti ippoona Sidiraaqin, Misaaqinaa Abidinaginon deebi bi aafooch boonoshi neechemmoyich tuniihe.

Daaneeli 3:19

Aroochee Nabukadinatsori Sidiraaqi, Misaaqinaa Abidinaginochi toommooch oogeton ippee shinehe; bi aafoo aaqqiye. Ebi qaaqqee sheelloo bi gaamooch shabaatte kishoon daakkiree bi gaamemmoyich bi asheenaꞌoyich gettiye.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.