Daaneeli 12:7 - Kafa Linguistics Project

⁷ Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.

Daaneeli 12:7 ပူးပေါင်းရင်းမြစ်များ

Iyoobi 27:2

“Dayinnetoon ta waanee wokkiiti beeyechi Yeeri beege! Ta kashoon caammiiti Beshe Hakkechi Yeeri beege!

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Hiziqeeli 20:5

Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.

Daaneeli 10:5

Ta aafoon kaachii ciinnaꞌa, muttee tuppoochee shippeti tahoon taheꞌi, bi shimetooch xalle aachoochee shuuneeti shachoon cuyeti ikke uroon beeggeho.

Daaneeli 11:13

Sooriyee taatoo aafichoyee beshe dofee ginee naayinaꞌon kicemmone. Meeti nato beshetoyee gubb, ceeni ginee qiicoon gaawichiꞌi cuyeti dofee ginechinaꞌona tookki wotteree woyemmone.

Daaneeli 12:6

Boonoshi daggoochee ikkoo ebi aacoyee tookk beeti, muttee tuppoochee shippeti tahoon taheti maraakoon, “Ebi gaakkechi shuunoo ceennemmoyich, ambiche yemeenoone echeto?” iꞌi echehe.

Daaneeli 12:8

Tawoo bi gettiton waayeho; tunebaani shalligaano taane. Ebich “Ta doonocho! Ciiroochaa ebi mooyo amooniye bi tunemmo?” iyaꞌa echeho.

Daaneeli 4:31

Ebi yibbaatoo batt bi noonoochee kechaahaa, ishichiibeeti qaaro shimaayoochee biich waayeehe: “Taatoo Nabukadinatsoro, ebi neech ta gettaa beeton waayebe: Ne taatittino ne toommoochee shoottetone.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Daaneeli 7:21

Ta ciinnaa beetaa, are qaro yaafeenaꞌona koyeꞌi, boonoshin kochii wochiye.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Daaneeli 8:14

Baroo ishichiꞌi wochii bi beetaa waayeho; “Gutte humaa keejje balle womikkoonaa maaddoonooch beddaahaa yagemmone. Aroochee yaafee kexo wochinnoon xallemmone” iye.

Daaneeli 8:24

Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone.

Luqaasi 21:14

Arooba ittoshi taggechinaꞌo bulli ittoshin bayonaa ittoshi yibbaatoon nookkoonon boonoshi hakkaachemmi ariyoonaa noonoonon ittoshich immemmo taane. Ebich ‘No taggemmi taggoon shiichi gabaayone’ getiree kuxote.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yibbaatoo 26:19

Bi halliti aageteenaꞌo bulliyee beshoon neen bi tuniitaa, asheenaꞌo neen gallete, ne shigoon oogiiree neech oogoon immemminaꞌone. Neech bi gibenikkitoommon, newoo ne Nuggishoo Doono Yeerich yaafeeti ashoon tunemmo neene” iye.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yibbaatoo 32:40

Beeyechi Nuggishoo Yeeri ta tunoona, ta kishoon tiijjaa wogehoye.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

Yaaꞌoo 12:6

Ureyoo ikke humaa gutte ballaa shiche qemon aroochaa boonoshi shiimemmoyich, Yeeri qanniiti xaaꞌoo barahooch aashaa hammahan.

Yaaꞌoo 13:5

Geecee mooyonaa naagee qaaroonon bi gettemmi noonoo cooxoyich ichehe; aabbaa gutte agenoon hakkecho tuneree bi shuunemmoyich biich daaggeehe.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:9

Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,