Daaneeli 12:6 - Kafa Linguistics Project

⁶ Boonoshi daggoochee ikkoo ebi aacoyee tookk beeti, muttee tuppoochee shippeti tahoon taheti maraakoon, “Ebi gaakkechi shuunoo ceennemmoyich, ambiche yemeenoone echeto?” iꞌi echehe.

Daaneeli 12:6 ပူးပေါင်းရင်းမြစ်များ

Shoddo 74:9

Worganikkiti malletoon beego echetone; echeti keemecho aalloone; ebi aati wottoon tune bi beeyemmo gaata, ariibeeto no daggooch aalloone.

Hiziqeeli 9:2

Dambi-waan wotteti dambee kelloochee aalliyechi ginee qiiceenaꞌon yechiti shiritte asheenaꞌo waaheete; boonoshi daggoochoo muttee tuppoochee shippeti tahoon taheti, kooree qiicoon bi naabooch yechiti ikke asho beetone; boonoshi bulliyoo giyiꞌi gooshee deejjee gudee gaꞌooch neexeheete.

Daaneeli 12:5

Areegaata ta, Daaneeli, bare gutteenaꞌo, ikkoo aachee hach, wotta ikkoo aachee beqach tuneꞌi, aachi gashooch neexee beetinaꞌon ciinneho.

Daaneeli 12:8

Tawoo bi gettiton waayeho; tunebaani shalligaano taane. Ebich “Ta doonocho! Ciiroochaa ebi mooyo amooniye bi tunemmo?” iyaꞌa echeho.

Daaneeli 8:13

Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Daaneeli 8:16

Ulayi aachi gutte gaagemee daggoochee, “Gabreelo, ebi uroyich yaaꞌoo ama geto gaata biishi gete” iꞌi cookiibeeti ashi qaaroon waayeho.

Maatiyoosi 24:3

Wotta Yesuusi Zayitee Michi guudi toommooch kotee bi beetaa, bi dabbeenaꞌo boonoshi ikkeeto bi waan giddeꞌi, “Eke nooch gete: Hini mooyo bi tunemmo aatane? Ne womonaa yemeenee ciiroonon bekkiyemmi malletoo amoone?” iꞌi echeheete.

Maariqoosi 13:4

“Hini mooyo bi tunemmo aatane? Hini mooyo bulli ceenn bedon bekkiyemmi malletoo amoone? Eke nooch gete” iꞌi echeheete.

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;

1 Pheexiroosi 1:12

Are keemechinaꞌo boonoshi gettiti wochoona boonoshi maddeto, ittoshichalli, boonoshich tunee qayo boonoshich bekkehe; wotta shimaayoochee wochetaa waati Yaafe Ayaanee giidoona mishiraachee qaaroon ittoshich miixeti asheenaꞌo and are wochoon ittoshich gettitinaꞌone. Maraakeenaꞌolla ebi mooyon maqqiꞌi ariyoyich qaatii beetinaꞌone.

Yaaꞌoo 15:6

Shabaatte naxeenaꞌon yechiti shabaatte maraakeenaꞌo yaafee kexoochee kechiyeete; boonoshiyoo muttee tuppoochee shippeti, wacciibeeti xalle tahoon taheꞌi, boonoshi getoon aachoochee shuuneeti cuyoona cuyetinaꞌone.

Yaaꞌoo 19:14

Shimaayooch beeti dofee ginee naayinaꞌo muttee tuppoochee cicii yokketaa shippeti nacce xalle tahoon tahee, nacce haresheenaꞌon yebbeꞌi biin dabbiyeete.

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.