Daaneeli 12:3 - Kafa Linguistics Project

³ Yiiteenaꞌo gumeexi bekkoochoommon (acacoochoommon), meeti asheenaꞌon gonde gommoochee kaame gommooch wochii beetinaꞌo xojjenoochoommon, bulli yemeenoon aaxxemminaꞌone.

Daaneeli 12:3 ပူးပေါင်းရင်းမြစ်များ

Keyo 34:35

bi baroo wacciibeeto bi tunoon beeggii beeheete. Aroochee Muusi Doono Yeerina tookki yibbaateya wottee bi hammimmi wottoon, bi baroon kaappii beehe.

Shaahiyoo 11:30

Cadiqe ashi shuunee aafo kashoon daniihe; asheenaꞌon kiciibeeto ariyechone.

Shaahiyoo 3:35

Mullechinaꞌo oogoon danemminaꞌone; tunebaani mullaalleenaꞌo cooneyemminaꞌone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Dojjecho 12:9

Dojjecho shalligechone; biyoo asheenaꞌoyich ariyoon dojjiye; kichii kindii yexiiꞌi meeti shaahiyeenaꞌon qanniihe.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Erimiyaasi 23:22

Tunebaani ta iitooch boonoshi neexeto gaata, ta asheenaꞌoyich ta qaaroon awaajjeshinaꞌone; boonoshi gonde gommonaa boonoshi gonde shuunoonoochee boonoshin wocheshinaꞌone” iye.

Daaneeli 11:33

“Asheenaꞌo daggooch beeti yiiteenaꞌo meetinaꞌoyich arichiyemminaꞌone. Giisheche aabee wottoon, boonoshi daggoochee ikkikkeenaꞌo ginoona koyaa qitemminaꞌone; qaaqqoonoo michaa qitemminaꞌone; boonoshi hajjiton bokkeree cuchemminaꞌone.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Maatiyoosi 24:45

“Illa maayoon boonoshich qaawiimmi saatoona bi immemmoyich bi doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Yowannisi 5:35

Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

1 Qorontoosi 3:10

Yeeri taach bi immiti wojjoona ariyechi gimbenyoo kexon hagga bi baashoommon baashito taane; baroo aree toommooch echeton ceechiya haggii beetone. Tunebaani haggiibeeto bi qelli qelloona aree toommooch aabichiree bi haggemmo gaata, bi qelloon ariibe.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Hibireena'o 5:12

And ebichi wottoon bareenaꞌon dojjiya bedo ittoshine; tunebaani ikke asho ittoshich Yeerichi qaaroon batt ikka getiree xepphooch beeti mooyinaꞌon bi dojjemmoyich wochinnoon ittoshich qaawiihe. Kupphe maayoon ittoshi maayemmi qoodoon gaggere bushiishoochoommon batt ittoshich qaawiibeeto ejjoone.

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.

Yaaꞌoo 1:20

Ta qanne kishooch ne beeggeti shabaatte xojjenoonaa aachoochee shuuneeti shabaatte maqirajjoonochi maacee mooyo ebine: Shabaatte xojjeneenaꞌo geto, shabaatte kittinnee guuphinaꞌochi maraakeenaꞌone; shabaatte maqirajjeenaꞌo geto wotta, shabaatte kittinnee guuphinaꞌo getone.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.