Daaneeli 12:1 - Kafa Linguistics Project

¹ “Arooba ne asheenaꞌon quyeebeeti, giidechi maraakoo Mikaꞌeeli tiyemmone. Aroochee ne asheenaꞌo ikke aagetoon boonoshi tunetoochee tiijjiꞌi, tunee ariyaani xuuxee yemeeno tunemmone. Tunebaani arooba boonoshi shigo macaafooch kooree daneti ne asheenaꞌo bulli wodemminaꞌone.

Daaneeli 12:1 ပူးပေါင်းရင်းမြစ်များ

Shoddo 56:8

Ta yallyallimee yemeenoon haddihine; ta acimoonoo ne qiicooch kotiihine; eboshin koberaa yechehine.

Shoddo 69:28

Boonoshi shigo kashechinaꞌochi mazigaboochee hideebe; cadiqeenaꞌona tookki kobereyaayeete.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Hiziqeeli 34:24

Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 5:9

Ciigiiti ne mooyo bullichi naboona, ebiyee aaf ciroona ta tuniyaani, ebiyee bekkoo ciroona ta tuniyaachemmi mooyon ne toommooch tuniyemmo taane.

Daaneeli 10:13

Tunebaani Faariisee showoon quyeebeeti maraakoo hiyaa ikke qemi wottoon ta gommon hicciꞌi bajjiye. Faariisee showooch ta ikkeeto echetoyich, maraakeenaꞌochi iraasheenaꞌoochee ikkoo tuneti Mikaꞌeeli waaꞌi taan gaachehe; tawoo biin Faariisee taatoona tookkii arooch qajjeho.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Daaneeli 9:12

Magge naxoon deebaꞌa noonnaa noon qeejjii beetinaꞌonochi toommooch ‘Tuniyemmo taane’ ne iti mooyon ceechihine. Yerusaalemi toommooch tunetoommi mooyo hini showee toommo bulliich beeti katemeenaꞌo toommooch ciroona tuneyaanoone.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Maatiyoosi 24:21

Arooba Yeeri alemoon hallitoochee tiijjiꞌi hanaach beddaahaa bekkeyaani, gubbich wotta bekkeyaachemmi giidechi xuuxo tunemmone.

Maariqoosi 13:19

Arooba Yeeri showoonaa shimaayoonon hallitoochee tiijjiꞌi hanaach beddaahaa bekkeyaani, gubbichoo wotta bekkeyaachemmi xuuxo tunemmone.

Luqaasi 10:20

Tunebaani ittoshi shigo shimaayeexi macaafooch bi kooreetoyich emiribotalli, yinneenaꞌo ittoshich boonoshi yittiꞌi hajjee beetoyich emiriyaahote” iye.

Roomi 11:15

Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone!

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

Efesooni 1:21

Kiristoosin arooch bi kotiito, taatittino bulliyee, iraashittino bulliyee, giidoo bulliyee, doonjittino bulliyee, wotta and hini showoochaa baach tuneyaanoon, gubb woyemmi showoochaa ceekkeebeeti shigo bulliyee besho tuniiꞌiniye.

Filipphisiyoosi 4:3

Ne wotta Yeerichi shuunoona taanna tookkaa xaaqqeeti ibere ta addaaroocho, ebi genneenaꞌon ne gaachemmoyich neen qollehoye; boonoshiyoo taanna tookkii, kashee macaafooch boonoshi shigo kooreeti Qelimixoosinaa wotta taanna tookkii shuuneti bareenaꞌona tookkii mishiraachee qaaroon gamichoyich aajjitinaꞌone.

Yihudi 1:9

Maraakeenaꞌochi iraashoo tuneti Mikaꞌeeliyolla daabiloosina tookkii Muusichi caheechon bi taggehooba, “Doono Yeeri neen kaarebe” iyalli, naageebee nalloyich aafoon kuppheyaanoone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 12:7

Shimaajji taatee xaaꞌooch ginee koyo tunehe; Mikaꞌeelinaa bi yeshi maraakeenaꞌona dareboonaa bi hilleexi bare maraakeenaꞌona koyeheete.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.