Daaneeli 11:4 - Kafa Linguistics Project

⁴ Tunebaani bi giidoo oogeꞌi bi beshiyooba, bi taatittino happeeree showee awudde kelloona qoodeyemmone. Ebi taatittino bi yaroyich besheyaachemmone; cammona waaxeree bareenaꞌoyich beshiitaa ichemmone. Eboshiyoo biichoommon giidechinaꞌo tuneyaachemminaꞌone.

Daaneeli 11:4 ပူးပေါင်းရင်းမြစ်များ

Shoddo 39:6

asho yiirittoommone; bi aajjiibeeto duubooniye; konich bi tunemmo gaata, ariyaanoon gaannoon kiciye.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Erimiyaasi 12:15

Boonoshin ta waaxxetoyee gubb, wochiree maaremmo taane; boonoshi ikkikkoon boonoshi showoonaa boonoshi hajjoonooch wochiree deebemmo taane.

Erimiyaasi 12:17

Tunebaani ta getoon waayeyaache boonoshi getigaata are aageteenaꞌon waaxi aalliyemmo taane” iye Doono Yeeri.

Erimiyaasi 18:7

Ikke aagetee showoon woyee taatittinoon waaxxemmo, happi aalliyemmo ta tunoon ta awaajjiichaa,

Erimiyaasi 31:40

Dubenee bamboo bulli, tulloo duppeebeeti bamboo bulli, Qedirooni aacooch beddaahaa, aabi-keyo waan beeti Hareshee Kellee danooch beddaahaa beeto bulli Doono Yeeri taach yaafeeto tunemmone. Ebiyee bekk bulli aabooch Yerusaalemi waacheyaachemmine; happeyaachemmine” iye.

Erimiyaasi 45:4

“Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.

Erimiyaasi 49:36

Awudde shimaajji tuggoochee Elaami toommooch awudde yongeenaꞌon deebemmo taane; ebi awudde yongeenaꞌoochoo bi asheenaꞌon shaccemmo taane; Elaamee showoochee yookketinaꞌo shagaani aagetoo daneyaachemmone.

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Daaneeli 7:6

Andoo ta ciinnaa beetaa, maahoon shaahiibeeti bare cooxo bekkehe. Bi gubboochoo kafee qoshoommi awudde qoshoo beetone; awudde qello biich beetone. Bi taatemmoyichoo hakkoo biich ichehe.

Daaneeli 7:8

Ebi qareenaꞌon manjii ta ciinnaa beetaa, boonoshi daggoochee ikke giisheche qaro kaama diccii bi beetaa beeggeho. Shiichiꞌi beetinaꞌoochee keeminaꞌo bi aafoochee duchoona waaxeheete. Ebi qaroyich ashi aafoommi aafoonaa geecoona yibbaateebeeti noonoona beetone.

Daaneeli 8:22

Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.

Daaneeli 8:8

Ebi emmisho oogeti giidechon tunehe. Tunebaani bi giidoo oogee bi beshiyooba, ooge bi qaro tiishehe. Bi xaaꞌoochoo showee awudde kello waan bekkiibeeti, awudde ogooge qareenaꞌo kechiyeete.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 6:5

Maraakoo taach “Eboshi neexee boonoshi maddeebeeti, showoo bullichi Doono Yeeri aafoochee kechii waabeeti, shimaajji awudde yongeenaꞌone.

Maatiyoosi 12:25

Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone.

Luqaasi 12:20

“Tunebaani Yeeri ‘Hini mullaalloocho! Ne kasheen ta kotiitoochee hanaachi xum tiijjemmo taane; hini ne kicitochi, konich tunehe?’ iye.

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.