Daaneeli 11:36 - Kafa Linguistics Project

³⁶ “Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 11:36 ပူးပေါင်းရင်းမြစ်များ

Shoddo 136:2

Nuggisheenaꞌochi Nuggishoon galletebote; bulli yemeenoon shoodechone.

Shoddo 33:10

Doono Yeeri aageteenaꞌochi yamoon duubo tuniyemmone; macceenaꞌochi gaboonoo guuppemmone.

Shaahiyoo 19:21

Ashi mullooch beeto meeti gaboone; tunebaani ceennemmo Doono Yeeri gettitone.

Isiyaasi 10:23

Doono, Beshe Mawe Doono Yeeri deeba bi maacciti kupphe aalloon showoo bullich deebemmone.

Isiyaasi 10:25

Ittoshi toommooch ta kaareti kaaro giisheche aaboyee gubb neexemmone; ta kaaro boonoshi waan guudiree, boonoshin aalliyemmone” iye.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 14:13

Ne mulloona ishichihine: ‘Shimaajj kechemmo taane; ta taatee qeenonoo Yeerichi xojjeneenaꞌoyee tookk tuniyemmo taane; wohooch, dambi-waan beeti, nuggisheenaꞌochi iitee xaaꞌooch kotemmo taane;

Isiyaasi 14:14

qubeenaꞌoyee tookk kechemmo taane; Beshoo Yeerin shaahemmo taane’ iyine.

Isiyaasi 26:20

Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Isiyaasi 57:9

Zayitoon, wodde shittoonoo yechaꞌa Molook waan hammehine; ne wocheyechinaꞌon wohooch, maash beddaahaa daachiihine.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 35:13

Ittoshi noonoona ta toommooch ittoshi coodon, ta toommooch woddii ittoshi yibbaatoon waayeto taane.

Daaneeli 11:16

Sooriyee taatoo boonoshi toommooch bi shunnimmon shuunemmone. Bi aafooch hakkiree neexemmo koniyoona aalloone. Gaawe Shoween yechemmone; are showoo bullin aalliyoyich giidoon danemmone.

Daaneeli 11:3

Aroochee oogeti giidoona hajjiibeeti, bi shunnimmonoo tuniibeeti giidechi taatoo tiyemmone.

Daaneeli 11:37

Ebi taatoo bi qaabbechinaꞌo goyinneebee echeti nuggisheenaꞌonaa genneenaꞌo shunniibeeti nuggisheenaꞌonon qallayemmone. Bi qelloon eboshi bulliyee beshoon tuniiꞌi bi ciinnii beetoyich, nuggisheenaꞌo bullin qallayemmone.

Daaneeli 12:7

Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.

Daaneeli 5:20

Tunebaani geecechonaa mulli manjoona bi tunehooba, bi taatittinoochee kindiye; bi oogee yiiroonoo muccehe.

Daaneeli 7:8

Ebi qareenaꞌon manjii ta ciinnaa beetaa, boonoshi daggoochee ikke giisheche qaro kaama diccii bi beetaa beeggeho. Shiichiꞌi beetinaꞌoochee keeminaꞌo bi aafoochee duchoona waaxeheete. Ebi qaroyich ashi aafoommi aafoonaa geecoona yibbaateebeeti noonoona beetone.

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Daaneeli 8:4

Ebi bagee baaddoo aabi-gimooch, dambi-waaninaa deshi-waaninon guuddiꞌi bi qaroona bi kochii beetaa, beeggeho. Cooxo taane itoochee biin hakkiꞌi wochito aalloone; bi kishoocheenoo wodiyoon hakkito, koniyoona aalloone. Tuniiya bi qaawito bullin tuniihe; giidechonoo tunehe.

Zakaariyaasi 11:16

Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

2 Tasaloonqi 2:8

Aroyee gubb, Doono Yesuusi bi waahooba bi kookkeexi hiinnoona hidemmi, bi oogee yiiree waccoonoo bi aalliyemmi hukkechi uro bekkemmone.

Yaasi 22:22

“Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.

Yaaꞌoo 10:7

shabaattinnee maraakoo tiroon bi hugaa qaaro waayeehooba, Yeeri bi maddechi keemechinaꞌoyich bi gettiti wochoommon, bi gabiti bi maacee mooyo ceennemmone” iye.

Yaaꞌoo 12:14

Dareboo waanee wohiree keejje nattaa qaton barahooch shiimetaa bi beeyemmi xaaꞌooch yoobi bi hammemmi gutte ogooge booyee qoshoo ureyich ichehe.

Yaaꞌoo 13:1

Arooba ikke cooxo baharee aacoochee bi kechii beetaa beeggeho. Aashire qaroonaa shabaatte qelloona biich beetone; ebi qareenaꞌo toommooch aashire gubbichoo beetone; ebi qello bi ikkikkooch Yeerin naaggiibeeti shigo kooreetone.

Yaaꞌoo 17:17

Yeeri bi gaboon boonoshi tuniyemmoyich, bi gettiti mooyo ceennimmi wottoon ikke kashoon tuneree boonoshi taatittinoon cooxoyich boonoshi guudii immemmoyich, bi gabiti gaboon boonoshi mullooch kotiitone.

Yaaꞌoo 17:3

Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.