Daaneeli 11:31 - Kafa Linguistics Project

³¹ “Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 11:31 ပူးပေါင်းရင်းမြစ်များ

Erimiyaasi 19:4

Taan qajjiꞌi boonoshinaa boonoshi qaabbechinaꞌona, wottoo Yihudee taateenaꞌo ariyaani bare nuggisheenaꞌoyich ixaanoon shoohona hini xaaꞌoon boonoshi eeꞌitoyich, hini xaaꞌoon xalle ashi damoona boonoshi ceechitoyich,

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Shoosho 2:7

Doono bi deejjee gudoon qajjiye; bi yaafee kexonoo ciigehe; bi uxeroon ettoochi kishooch beshii immiye; nati baarooba tunee beetoommon, Doono Yeerichi yaafee kexoochaa oogeti kokkoree qaaro waayeehe.

Hiziqeeli 9:7

Biyoo boonoshich “Hamiree yaafee kexon eeꞌiibote; addibaabooch dubenoon ceechibote; tiyi hambote” iye. Ebich hammiꞌi katemeexinaꞌon wuxooch giyiyeete.

Daaneeli 12:11

“Qemi qemona deejjoon giddiyoo maacheti aaboochee, ebiyoo aalloon deebemmi eeꞌo geddeti aaboochee tiijjiree, ikke humaa gutte ballaa yixane qemo beshemmone.

Daaneeli 8:24

Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone.

Daaneeli 8:26

“Ebi neech biishaa getteeti yaaꞌoo, ebiyoo deejjoo giddeyaachemmi womikkeechonaa maaddeechona iberoon ceennemmone. Tunebaani meeti natoyee gubb ceennemmo bi tunetoyich, ebi yaaꞌoon konichona arichiyaahine” iye.

Daaneeli 9:27

Are taatoo meeti aageteenaꞌona tookki shabaatte nati wottoon bi wogoon manjiyemmone. Ebi yemeenee qato shagiyooba, deejjoonaa buuroonon echiyemmone. Aalloon deebemmi eeꞌoon yaafee kechi guummooch bi gedaa, arooch beeyemmone. Ebiyoo arooch bi beeyemmo, aalliyecho toommooch Yeeri gettiti nalloo kindimmi wottooniye” iye.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Maariqoosi 13:14

“Tunebaani [keemechi Daaneeli gettiti] aalloon deebemmi eeꞌo bi neex bedaani xaaꞌooch neexetaa, beeggemmo ittoshine. (Ebiyooba shemmecho shalligibe.) Arooba Yihudee showooch beetinaꞌo geppoo beetooch maxxebeete.

Luqaasi 21:20

Yesuusi daakkiꞌi ishichiye: “Yerusaalemin ginee naayinaꞌo guuddii boonoshi giishaa ittoshi beegiyooba, arooba biich aallee shagon ariibote.

Yaaꞌoo 17:12

“Ne beeggeti aashire qaro batt taateyaani aashire taateenaꞌochi shaahiyoone; tunebaani cooxona tookki ikke saatoon boonoshi taatemmoyich taatittino boonoshich ichemmone.