Daaneeli 11:27 - Kafa Linguistics Project

²⁷ Boonoshi mulloona gondoon gabiibeeti, ebi gutte taateenaꞌo maayoon mamoyich ikke madooch kotemminaꞌone; boonoshiyoo ikkoo baroyich kootoon yibbaatemmone. Tunebaani maacheti aabo batt bi tunetoyich, ebi boonoshi gaboo amoonolla boonoshich gaacaachemmone.

Daaneeli 11:27 ပူးပေါင်းရင်းမြစ်များ

2 Saameeli 13:26

Abisoloomiyoo “Ishigaata, ta manoo Aminooni noonna tookki bi hammemmoyich tuniibe” iye. Taatoo “Neenna tookki bi hammemmo, aakkiyane?” iye.

Shoddo 12:2

Asho biinnaa biinna kootoon yibbaatehe; maanjoonaa mullee guttiyoona yibbaateheete.

Shoddo 52:1

Giidechocho, ne gonde mooyona ne yebeneebeeto amoyichiye? Yeerichi shoodo bulli aabeecho bi tunoon ariibe.

Shoddo 58:2

Ariyaachote; ittoshi mulloona gonde mooyon gabiyote; ittoshi kishoona xuꞌoon showee toommooch tuniihote.

Shoddo 62:9

Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.

Shoddo 64:6

Gonde gaboon gabiꞌi, “Maroona koceyaꞌa maacceto noone” iyeete; ashi gaboonaa mulloona marechone.

Shaahiyoo 12:20

Gondoon gabii beetinaꞌochi mullooch maroo beetone; tunebaani diggoon gabii beetinaꞌoyich emiroo beetone.

Shaahiyoo 19:21

Ashi mullooch beeto meeti gaboone; tunebaani ceennemmo Doono Yeeri gettitone.

Shaahiyoo 26:23

Gonde mooyo bi mullooch beetaa, noonoon shaawiibeeti asho, birewoona nasheeti nuuqqee qiicoommone.

Hiziqeeli 17:9

“Nuggishoo Doono Yeeri ishichiye, gete: ‘Ebi woyino diccehe? Aafi booyo cammona waaxi, bi aafoon shekiriree, nolle bi waamoo shoollemmoyich tuniyaachehe? Biin cammona waaxoyich kupphe mochoo woyee meeti asho qaawiyaachemmone.

Daaneeli 10:1

Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 11:28

Sooriyee taatoo koyoochee bi daneti wodde gaannoon yeshiree bi showooch wottemmone. Tunebaani wottebee Yeerich tuneebeeti, ibere goyinnoon aalliyoyich kupphiiree gabemmone. Aroochee bi shunniton bi shuunetoyee gubb, bi showooch wotteree hammemmone.

Daaneeli 11:29

“Yeeri maacciti aabooba, Gibitsee showoon kocha wotteree woyemmone. Tunebaani mooyo aafichoommon biich kaameyaachemmone.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Daaneeli 11:40

“Ciireexi yemeenooba Gibitsee taatoo biin kochemmone. Tunebaani Sooriyee taatoo gaarin, hareshechinaꞌonaa meeti markaboonon yeshi bi toommooch yuboochoommon guubbiree woyemmone. Meeti showeenaꞌooch giyiree ambamboochoommon hidi boonoshi daggoona beshemmone.

Daaneeli 8:17

Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Daaneeli 8:19

Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Mishiraachechinaꞌo 1:7

Biyoo wochiꞌi, “Ta Nihoo bi hajjee shalligoona bi neechiti ageneenaꞌonaa yemeeneenaꞌonon ittoshi ariyemmoyich, ittoshich daaggaanoone.

Mishiraachechinaꞌo 17:31

Ishichii Yeeri ito, bi kaacciti ashoona alemo bullin tachiree bi nallemmi aaboon bi taajjetoyichiye. Ebi bullin bi xiishito, aroon qitoochee bi tiijjoonane” iye.

1 Tasaloonqi 5:1

Illa no maneenaꞌote! Ebi mooyo tunemmi yemeenoonaa aaboonochon ebine iꞌi ittoshich amoonolla kooroo qaawiyaache.