Daaneeli 10:8 - Kafa Linguistics Project

⁸ Ebich ta ikkeeto baach ebi worganikkiti yaaꞌoon beeggaabee arooch echeho. Tawoo giidoo qacheho; ta halloo shaddeeꞌa tuusheeho; giidoon mucceto taane.

Daaneeli 10:8 ပူးပေါင်းရင်းမြစ်များ

Halloo 32:31

Phiniꞌeelin beshee bi hammaahaa, showoo harii aabe kechahan. Biyoo bi gallo hollitoyich, hekkelleebee hammiye.

Keyo 3:3

“Ebi kuchoo amoyich mico bi qajjito gaata, hini worganikkiti mooyon katiniree ciinona” iye.

Daaneeli 10:16

Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.

Daaneeli 10:17

Ta doonocho, ne aafooch neexaꞌa yibbaatoyich beddeti asho toono taane; ta giidoo qajjitone; kachemmonoo mawiito taane” iyo.

Daaneeli 7:28

Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Daaneeli 8:7

Ebi bagoochi gaꞌooch bi shagon beeggeho. Oogeti ippoona bagoon kochiꞌi, bi gutte qareenaꞌon tiichiye. Biin wochoyich bago hakkoon muccetone; bagoon showooch dichiꞌi neexxiye. Biin ebi emmisho kishoochee wodiyoon hakkito koniyoona aalloone.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Maatiyoosi 17:6

Ishin waayeti keejje bi dabbeenaꞌo oogichiꞌi boonoshi keqqitoyich, baroona showooch guufeheete.

Maariqoosi 9:6

Tunebaani oogichii boonoshi keqqitoyich, Pheexiroosi ama bi ii beeto gaata ariyaanoone.

Yowannisi 16:32

Waayebote! Ittoshi qelli qelloona ta ikkeeton dufiichi ittoshi kexi kexooch ittoshi shacemmi aabo woyemmone; andoo shaggitone. Tunebaani Nihoo Yeeri taanna tookkii bi tunetoyich, ta ikkeeto toono taane.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.