Daaneeli 10:12 - Kafa Linguistics Project

¹² Biyoo taach ishichiye: “Daaneelo, shattaahine! Shalligoon daneya ne Nuggishoo aafooch ne qelloon ne giishiiti, batti batti aaboochee tiijjiꞌi, Yeeri ne qolloon waayetone. Tawoo ne qolloyich tunemmi wochoon yechaꞌa waato taane.

Daaneeli 10:12 ပူးပေါင်းရင်းမြစ်များ

Shoddo 69:10

Coomoona kasho shaddeehoye; ebichoo naakkeehoye.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 58:9

Aroochee ittoshi ceegaa, Doono Yeeri ta eekkemmo taane; cookemmo ittoshine; tawoo ‘Hini tawoche’ gettemmo taane. Ittoshiyoo xuꞌee waanjoon ittoshi wokkiigaata, ashoon kishoona koyonaa gonde yibbaatoonon ittoshi qayigaata,

Isiyaasi 65:24

Taan boonoshi ceegoyee shiichi wochemmo taane; batt yibbaate boonoshi beetaa waayemmo taane.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Leweenaꞌo 16:29

“Ebi ittoshich bulli yemeenee qociyoo tunebe. Shabaattinnee agenee aashirinnee qemooba coomibote. Showee bushoo tuneba ittoshi daggooch beeti shiqqoo shuunoo amoonolla shuunaaye.

Leweenaꞌo 16:31

Ebi aabo ittoshich shambetoochoommon kashee aabo, coomiree ittoshi heechemmi aabo tunebe. Ebiyoo ittoshich bulli yemeenee qociyoo tunebe.

Haddoo 29:7

“ ‘Hini shabaattinnee agenee aashirinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Arooboo coomibote. Shuunoon shuuneyaahote.

Maatiyoosi 28:10

Aroochee Yesuusi “Shattaahote! Hamiree ta maneenaꞌo Galiila boonoshi beshemmoyich getote. Aroochaa taan beeggemminaꞌone” iye.

Maatiyoosi 28:5

Hini are maraakoo genneenaꞌoyich ishichiye: “Haanoshite, shattaahote. Yoodaa qititi Yesuusin ittoshi qaawoon ariibeeto taane.

Maariqoosi 16:6

Tunetaa aroo “Keqqiyaahote! Ittoshi qaawiibeeto yoodaa qititi Naazireetechi Yesuusiniye. Aroo hiniich aalloone; tiyitone! Bi cahoo qeyiti xaaꞌoo ebiyoche.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Luqaasi 1:30

Maraakoo biich ishichiye: “Maariyame, shattaahine! Yeeri gaawe aafoona neen ciinnitone.

Luqaasi 2:10

Are Yeerichi maraakoo boonoshich ishichiye: “Shattaahote! Asho bullich oogeti emiroo tunemmi mishiraachoon ittoshich and gettemmo taane.

Luqaasi 24:38

Biyoo “Ittoshi keqqiibeeto amoyichiye? Ittoshi mullo axiraacheebeeto amoyichiye?

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.