Daaneeli 10:1 - Kafa Linguistics Project

¹ Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 10:1 ပူးပေါင်းရင်းမြစ်များ

Halloo 41:32

Ebi gumo guttaa bi bekketo, mooyo Yeer waanaa maacheto bi tunetoyichiye. Ebinoo Yeeri katini aabee daggooch ceechemmone.

2 Kiinoo 36:22

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosichi mullo bi tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Iziri 4:3

Tunebaani Zerubabeeli, Yaasinaa echeti Israꞌeeleenaꞌochi yaree ukkireenaꞌona wochiꞌi, “No Nuggishoo kexon hagoyich noonnaa ittoshinon daniyemmi mooyo amolla aalloone. Faariisee taatoo Qiroosi nooch gettitoommon, Israꞌeelee Nuggishoo Doono Yeerichi kexon no baach haggemmo noone” iyeete.

Iziri 4:5

Faariisee taatoo Qiroosi taatee yemeenoochee tiijjiꞌi, Daariyoosi taatee yemeenooch beddaahaa, Israꞌeeleenaꞌo gabiti mooyo kaameyaachemmoyich iraasheenaꞌoyich xuccoon xucceheete.

Iziri 6:14

Ebich keemechi Haaginaa Iidi bushoo Zakaariyaasina keemaa, Ayihudee geeneenaꞌo kexon haggiyeete; boonoshichoo kaamehe. Israꞌeelee Nuggishoochi getoommon, wotta Faariisee taateenaꞌo Qiroosi, Daariyoosinaa Arta Yekisesinochi getoommon, yaafee kexon haggii qanniiheete.

Iziri 6:3

“Taatoo Qiroosi bi taateti, batti batti natooba ishichiꞌi awaajjoon kichiye: Yerusaalem beeti, deejjoonaa buuroonon giddiiꞌi boonoshi deejjiibeeti xaaꞌoo tuneti, Yeerichi kexo wochinnoon hakkeebe; bi xaqqee hecoo hechebe; bi neexo shiche hiroo, bi gidoo shiche hiroo tunebe.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Daaneeli 1:17

Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Daaneeli 1:21

Daaneeliyoo taatoo Qiroosi taateti ikkinnee nati wottoon taatee kexooch shuuneebee beehe.

Daaneeli 1:7

Taatee kechi iraashoo boonoshich bare shigoon shigiihe; Daaneelin Belxesoori, Hanaaniyin Sidiraaqi, Mishaꞌeelin Misaaqi, Azariyaasinoo Abidinagi, iꞌi shigiihe.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 11:2

Andoo neech ta arichiyemmo iberoone. “Bare keejje taateenaꞌo Faariisee showooch taatemminaꞌone. Awuddinnoo bareenaꞌo bulliyee beshoon gaannechon tunemmone. Gaannoochee tiyitona giidoon bi danetoyee gubb, bareenaꞌo bullin Giriikee taatee showee toommooch tiijjemmone.

Daaneeli 12:4

“Daaneelo, yemeenee ciiree wottoon macaafoon qodi nashi dookkibe! Meetinaꞌo ariyoon daakkiya okk hach wocemminaꞌone” iye.

Daaneeli 12:9

Biyoo “Daaneelo, ebi mooyo ciireexi yemeenooch beddaahaa hichetonaa nashee dooggitonane; ebich ne and diggoona hambe!

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 4:8

Aroyee gubb Belxesoori getaa ta nuggishoochi shigoona ceekkeebeeti Daaneeli giyiꞌi ta aafooch neexehe. Biyoo yaafe nuggisheenaꞌochi ayaano bi toommooch beeti uroone. Ta gumonoo biich maaccoye; tawoo ishichiyoye:

Daaneeli 5:12

Gumon biichii getoyich, turitoon biishonaa aacheeti mooyon gaxxiꞌi getonoyich bariti hakkoo, ariyoonaa shalligoona Belxesoori iꞌi taatoo ceeggiti ebi Daaneelich beetone. Ebich and Daaneelin ceekkiibe; biyoo ebi kooreeton biishiree neech gettemmone” iyan.

Daaneeli 5:17

Daaneeli taatoyich ishichiꞌi wochiye: “Taatoocho, ebi ne wojjoon neech tuniibe; woyee bare ashich imbe; tunebaani ta ebi kooreeton neech shemmeree biishi gettemmo taane.

Daaneeli 6:28

Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.

Daaneeli 8:16

Ulayi aachi gutte gaagemee daggoochee, “Gabreelo, ebi uroyich yaaꞌoo ama geto gaata biishi gete” iꞌi cookiibeeti ashi qaaroon waayeho.

Daaneeli 8:26

“Ebi neech biishaa getteeti yaaꞌoo, ebiyoo deejjoo giddeyaachemmi womikkeechonaa maaddeechona iberoon ceennemmone. Tunebaani meeti natoyee gubb ceennemmo bi tunetoyich, ebi yaaꞌoon konichona arichiyaahine” iye.

Luqaasi 1:20

Tunebaani ne, ebi aabo ceenaa Yeeri ceechemmi, ta getteti qaaroon iberiyaache ne itoyich, hini mooyo ceennimmi aabee wottoon yibbaateyaani miimeto tunemmo neene; yibbaatoonoo hakkaachemmo neene” iye.

Yaaꞌoo 19:9

Are maraakoo taach ishichiye: “ ‘Bagoochi gaaree gifirooch ceekketinaꞌo diireetinaꞌone’ getiree kooribe” iye. Daakkiꞌinoo taach “Ebi Yeerichi ibere qaaroone” iye.