Daaneeli 1:9 - Kafa Linguistics Project

⁹ Yeeriyoo taatee kechi iraashoo Daaneelin gaawe aafoona bi ciinnemmonaa bi ariqqemmonoyich tuniihe.

Daaneeli 1:9 ပူးပေါင်းရင်းမြစ်များ

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Halloo 39:21

Doono Yeeri biinna tookkii tunee beehe; bi shoodoonoo biich bekkiihe; cuyee kechi ukkiroo aafoochaa gidoon bi danemmoyich tuniihe.

1 Taateenaꞌo 8:50

Ne toommooch boonoshi shuuneti axaaxoyich, neen boonoshi xuqqiti xuꞌoyichoo ne asheenaꞌon maaribe; boonoshin keccitinaꞌo boonoshich ariqqemmoyich tuniibe.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Nehimi 2:4

Taatoo “Ta waanee ne qollaabeeto, amooniye?” iye. Tawoo shimaajji Nuggishoo Yeer waan corootiyo.

Asteeri 2:9

Hegayiyoo Asteerin shunniye; bi aafoochoo emirikkiti tunaꞌa bekkahan. Bekkech bi huutemmi huutoonaa gaawe maayoonon immiye. Taatee kexooch beeti maache bushiisheenaꞌo daggoochee bi qoodoo tuneti, shabaatte bushiisheenaꞌon biich naayinaꞌo boonoshi tunemmoyich immiye. Biinnaa bi naayinaꞌonon genni beemi kechi daggoochee beshe gaawetooch beshiihe.

Iyoobi 5:15

Yeeri girechinaꞌon boonoshi aci gashoochee, giidaalleenaꞌonoo boonoshi kupphe kishoochee, wodiyemmone.

Iyoobi 5:16

Illa ebich girechoyich gibeno beetone; Yeeri gondeenaꞌochi kookkoon hiccemmone.

Shoddo 106:46

Boonoshin hajjii beetinaꞌo, boonoshich ariqqemmoyich tuniihe.

Shoddo 4:3

Doono Yeeri biich qeyiti asheenaꞌon biich bi kaacon ariibote; Doono Yeeri bi waan ta cookigaata waayemmone.

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Daaneeli 1:10

Tunebaani taatee kechi iraashoo, taatoon bi shattitoyich, Daaneelich ishichiye: “Maayoonaa uyoona ittoshich bi ichemmoyich tuniito taatoo ta doonone; ittoshi goomeenaꞌo tuneti gurimaasheenaꞌona tateyaanoon dalliꞌi ittoshi bekkegaata, taatoo taan wuxiyemmone” iye.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.